Momywa ꓡꓳ ꓒꓱ ꓗꓪ ꓞꓸꓸ ꓢꓯꓼ ꓑꓶꓸ ꓓꓴ ꓡꓲꓽ ꓠꓬꓲ ꓬꓲꓸ ꓘꓴ ꓗꓪ 100 ꓣꓳ ꓟꓽ ꓞꓲ ꓫꓵꓸꓹ ꓡꓰ ꓟ ꓓꓳꓽ

Tuesday, May 21, 2024

Sagaing ꓗꓴꓷꓼ ꓫꓴꓸꓸ Momywa ꓡꓳ ꓒꓱ ꓡꓳꓹ ꓬꓰ ꓟ 2024 ꓘꓳꓼ 5 ꓦ ꓟ 16 ꓠꓬꓲ ꓗꓪ ꓐꓰ 19 ꓠꓬꓲ ꓬꓲꓸ ꓘꓴ ꓗꓪ ꓞꓸꓸ ꓢꓯꓼ ꓑꓶꓸ ꓓꓴ ꓑ ꓫꓬ 100 ꓦ ꓣꓳ ꓟꓽ ꓞꓲꓼ ꓫꓵꓸꓹ ꓡꓰꓳ ꓐꓰ Momywa ꓡꓳ ꓒꓱ ꓗꓪ ꓬꓰ ꓙ ꓢꓴ ꓜꓴ ꓐꓴ ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓡꓱ ꓞꓸꓸ ꓢꓯꓼ ꓑꓶꓸ ꓓꓴ ꓫꓵꓸꓹ ꓡꓰ ꓢꓴ ꓐꓴ ꓠꓯꓹ ꓗꓪ ꓠꓬ ꓤ ꓠꓱ ꓤ ꓗꓪ ꓐꓰ ꓞꓳ ꓟꓳ 105 ꓘꓳꓼ ꓛꓲ ꓙꓳ ꓟ ꓗꓪ ꓛꓲ ꓥ ꓡꓳ ꓐꓰ ꓢꓷꓸ ꓪ ꓡꓳ=Momywa ꓡꓳ ꓒꓱ ꓗꓪ ꓡꓳꓸ ꓬꓰ ꓟ 19 ꓠꓬꓲ ꓬꓲꓸ ꓘꓴ ꓗꓪ ꓫꓵꓸꓹ ꓡꓰ ꓢꓴ 29 ꓣꓳ ꓙꓳ ꓗꓷ ꓟ ꓥ ꓡꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓔꓽ ꓡꓳ=
Momywa ꓡꓳ ꓒꓱ ꓗꓪ ꓮ ꓔꓳꓸ ꓟꓽ ꓡ ꓟ ꓑꓶ ꓓꓴ ꓞꓲ ꓣꓳ ꓢꓴ ꓐꓰ ꓠꓸꓹ ꓢꓴ ꓞꓲꓼ ꓟꓳ ꓡꓰ ꓢꓴ ꓐꓴ ꓢꓯꓼ ꓦ ꓟ ꓓ ꓢꓲ꓾ ꓫꓵꓸꓹ ꓡꓰ ꓟ ꓮ ꓘꓶꓸ ꓟꓬ ꓡ ꓔꓬ ꓟ ꓡꓰ ꓐꓰ ꓞꓸꓸ ꓢꓯꓼ ꓑꓶꓸ ꓓꓴ ꓠꓸꓹ ꓢꓲ꓾ ꓠꓯꓸꓸ ꓞꓲꓼ ꓦꓲꓸꓹ ꓗꓪ ꓠꓯꓸꓸꓞꓲꓼ ꓫꓬ ꓔꓬ ꓢꓴ ꓥ ꓟꓲ ꓮ ꓟꓬꓹ ꓔꓬ ꓡꓳ ꓐꓰ ꓠꓯꓸꓸ ꓞꓲꓼ ꓟꓸ ꓒ ꓐꓴ ꓡꓰ ꓐꓯ ꓔꓽ ꓡꓳ ꓐꓰ ꓢꓷꓸ ꓪ ꓡꓳ=