Kan Paik Ti ꓙ ꓖꓴ ꓑꓲˍꓦ ꓟ ꓑꓶꓸ ꓓꓴ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓸꓹ ꓧꓪꓽ ꓞꓶꓽ ꓒꓵꓽ ꓮ ꓘꓶꓸ ꓠꓯ. ꓡ ꓔꓬ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓸꓸ ꓟꓶ-ꓚꓲ-ꓠ ꓡꓳ ꓒꓱ ꓖꓳ ꓒ ꓪꓲꓠꓰꓟꓮꓪ ꓡꓳ ꓒꓱ ꓗꓪ ꓟꓯꓼ ꓢꓱꓼ ꓡꓰ ꓘꓳꓹ ꓟ ꓑꓶꓸ ꓓꓴ ꓙ ꓖꓴ ꓑꓲˍ ꓦ  ꓑꓶꓸ ꓓꓴ ꓧꓪ: ꓞꓶꓽ ꓚꓱꓼ ꓟꓳ-ꓓꓳ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓰ ꓪ ꓟ ꓕꓽ ꓟ ꓑꓶꓸ ꓓꓴ ꓧꓪꓽ ꓞꓶꓽ ꓒꓴꓽ ꓮ ꓘꓶꓸ ꓠꓯꓸꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓟ ꓢꓶ ꓑꓴ ꓧꓪꓽ ꓞꓶꓽ ꓪꓴ ꓔꓶꓸ ꓮ ꓟꓬ ꓖ ꓗꓪ ꓠꓬ ꓟꓵꓽ ꓫꓸ ꓗ Kan Paik Ti ꓡꓳ ꓒꓱ ꓗꓪ ꓐꓰ ꓡ ꓟ ꓑꓶꓸ ꓓꓴ ꓮ ꓟꓶ ꓕꓱ ꓡꓱ ꓟꓯꓼ ꓢꓱꓼ ꓡꓯꓼ ꓘꓳꓹ ꓡ ꓟ ꓪꓴ ꓠꓬꓲ Kan Paik Ti ꓙ ꓖꓴ ꓑꓲˍ ꓦ ꓟ ꓪꓴꓸ ꓠꓬꓲ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓧꓪꓽ ꓞꓶꓽ  ꓒꓴꓽ ꓮ ꓘꓶꓸ ꓠꓯꓸ ꓡ ꓔꓬ  ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ ꓕꓲ ꓙꓵꓽ ꓕꓯ ꓠꓬ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓟꓬ-ꓟꓵꓽ ꓗꓪ ꓐꓰ ꓙꓸꓹ ꓧꓪꓽ ꓙꓱ ꓔꓯ ꓚꓱꓼ ꓗꓷ ꓥˍꓟꓲ ꓮ ꓟꓶ ꓢꓮꓖꓮꓲꓠꓖ ꓕꓲ ꓟꓵꓽ ꓗꓪ ꓟꓯꓼ ꓢꓱꓼ ꓡꓯꓼ ꓘꓳꓹ ꓡ ꓟ ꓑꓶꓸ ꓓꓴ ꓙꓸꓹ ꓧꓪꓽ ꓙꓱꓼ ꓮ ꓘꓶꓸ ꓟꓽ ꓛꓲ ꓡ ꓟ ꓑꓶꓸ ꓓꓴ  Kan Paik Ti ꓗꓪ ꓐꓰ ꓙꓸꓹ ꓧꓪꓽ ꓙꓱ ꓚꓱꓼ ꓔꓽ ꓟ ꓥ ꓡꓳ꓾ ꓮ ꓟꓶ ꓕꓱ ꓡꓱ ꓙꓸꓹ ꓧꓪꓽ ꓙꓱꓼ ꓟꓽ ꓛꓲ ꓡ ꓟ ꓑꓶꓸ ꓓꓴ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓸꓹ ꓧꓪꓽ ꓞꓶꓽ ꓒꓴꓽ ꓮ ꓘꓶꓸ ꓠꓯꓸ ꓡ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓮ ꓟꓶ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓸꓹ ꓧꓪꓽ ꓞꓶꓽ ꓕꓲ ꓐꓶ ꓔꓯ 5000  ꓛꓲ ꓕꓯꓸꓹ ꓡꓰ  ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=