ꓠꓴ ꓔꓬ ꓖꓴ ꓦꓲꓸꓹ ꓔꓯ ꓮ ꓕꓯ ꓥˍꓟꓲ ꓫꓸ ꓟꓳ ꓐꓯ ꓪ: ꓡꓰ ꓝꓲ꓾

ꓠꓴ ꓔꓬ ꓖꓴ ꓦꓲꓸꓹ ꓔꓯ ꓮ ꓕꓯ ꓥˍꓟꓲ ꓫꓸ ꓟꓳ ꓐꓯ ꓪ: ꓡꓰ ꓝꓲ꓾
ꓠꓲꓹ ꓠꓵ ꓟ ꓬꓲ ꓤ ꓠꓬꓲꓽ ꓤ ꓐꓴꓳ꓾ꓮ ꓟꓶ ꓣꓳ ꓔꓬ ꓟ ꓦꓲꓸꓹꓔꓯ ꓕꓲ ꓒ, ꓤ ꓓꓴ ꓙ ꓠꓬꓲ ꓓꓴ ꓬꓰ ꓡꓯ= ꓣꓳ ꓚꓲꓽ ꓛꓬ ꓦꓲꓸꓹ ꓟꓽ ꓥ ꓠꓬ꓾ ꓥꓪꓸ ꓕꓽ ꓟ ꓦꓲꓸꓹ ꓮ ꓡꓰ ꓫꓵꓽ ꓦꓲꓸꓹ ꓥ ꓡ ꓐꓯ ꓡꓲꓽ ꓣꓳ ꓔꓬ ꓟ ꓦꓲꓸꓹ ꓥ ꓡꓳ= ꓚꓵꓸꓸ ꓚꓵꓸꓸ ꓕꓱ ꓦꓲꓸꓹ ꓟꓽ ꓙꓳ ꓐꓯ ꓠꓽ ꓣꓳ ꓠꓬ ꓮ ꓡꓰ ꓗꓪ ꓔꓬ ꓥ ꓢꓷꓸ ꓮ ꓡꓰ ꓗꓪ ꓬꓲ ꓟꓶ ꓔꓬ ꓥ ꓢꓷꓸ ꓣꓳ ꓓꓴ ꓙ ꓟꓶꓽ ꓓꓴ ꓥ ꓡꓳ=
ꓣꓳ ꓠꓯꓹ ꓗꓪ ꓚꓲꓽ ꓛꓬ ꓦꓲꓸꓹ ꓟꓽ ꓥ ꓠꓬ  ꓥꓪꓸ ꓕꓽ ꓟ ꓦꓲꓸꓹ ꓙꓳ ꓟ ꓪꓴꓸ ꓠꓬꓲ ꓮ ꓟꓬ ꓗꓪ ꓛꓲ ꓣꓱꓽ ꓛꓲꓽ ꓟꓶ ꓡ ꓐꓯ ꓟ ꓔꓯ ꓓꓴ ꓙ ꓠꓬꓲ ꓠꓽ ꓗꓹ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓦꓲꓸꓹ ꓔꓯ ꓙꓲ ꓙꓲ ꓐꓰ ꓠꓬꓲꓸ ꓠꓽ ꓗꓷ ꓟ ꓠꓬ ꓮ ꓡꓰ ꓕꓲ ꓙꓵꓽ ꓟ ꓥ ꓡ? ꓓꓴ ꓙ ꓠꓬꓲ ꓡꓯ= ꓕꓱ ꓡꓱ ꓠꓬꓲꓸ ꓠꓽ ꓢꓲ꓾ ꓫꓸ ꓟꓳ ꓪ ꓐꓰ ꓮ ꓟꓬ ꓧꓪꓽ ꓐꓯ ꓗꓷˍ ꓡ ꓣꓳ ꓓꓴ ꓙ ꓠꓬꓲ ꓡꓯ= ꓥˍ ꓡꓳ ꓣꓳ ꓐꓴ ꓠꓬ ꓠꓯꓼ ꓐꓯ ꓕꓲ ꓫꓵꓽ ꓫꓵꓽ ꓪ ꓡ ꓕꓯ ꓢꓲ꓾ ꓫꓸ ꓟꓳ ꓪ ꓐꓰ ꓐꓯ ꓗꓴꓸ ꓕꓽ ꓡꓳ= ꓖꓳ ꓡꓰ ꓐꓯ ꓥˍꓟꓲ ꓔꓬ ꓖꓴ ꓦꓲꓸꓹ ꓔꓯ ꓫꓸ ꓟꓳ ꓪ ꓐꓰ ꓐꓯ ꓠꓽ ꓟ ꓣꓳ ꓟꓲ ꓡꓰ ꓗꓷ ꓡꓳ= 
ꓠꓲꓹ ꓠꓵ ꓟ ꓬꓲ ꓤ ꓠꓬꓲꓽ ꓤ ꓐꓴꓳ꓾ ꓠꓬꓲꓸꓠꓬꓲ ꓗꓪ ꓐꓰ ꓣꓳ ꓢꓯꓼ ꓦ ꓢꓲ꓾ ꓢꓯꓼ ꓔꓬ ꓟ ꓕꓽ ꓐꓳ ꓣꓳ ꓔꓬ ꓖꓴ ꓦꓲꓸꓹ ꓔꓯ ꓫꓸ ꓟꓳ ꓐꓰ ꓐꓯ ꓪ ꓡꓰ ꓝꓲ= ꓦꓲꓸꓹ ꓠꓬ ꓟꓽ ꓐꓲ ꓝꓲ ꓥˍꓟꓲ ꓒꓴꓽ ꓫꓵꓽ ꓟꓽ ꓙꓳ ꓥˍꓟꓲ ꓕꓱ ꓟ ꓠꓬꓲ ꓣꓳ ꓦꓲꓸꓹ ꓥ ꓡꓳ= ꓦꓲꓸꓹ ꓠꓬ ꓬꓲ ꓒ ꓗꓪ ꓟꓶꓽ ꓞꓸꓹ ꓞꓹ ꓟ ꓟꓶꓽ ꓦ ꓜꓯꓼ ꓟ ꓕꓲ ꓫꓵꓽ ꓡꓲꓽ ꓕꓲ ꓫꓵꓽ ꓕꓳ ꓜꓳ ꓡ ꓟ ꓮ ꓙꓵꓽ ꓔꓯ ꓗꓹ ꓕꓽ ꓙ ꓖꓶ ꓢꓲ꓾ ꓞꓳ ꓙꓳ ꓢꓯꓼ ꓔꓬ ꓝꓲˍꓟ ꓥ ꓡꓳ= ꓖꓳ ꓡꓰ ꓐꓯ ꓥˍꓟꓲ ꓣꓳ ꓐꓴ ꓠꓬ ꓔꓬ ꓦꓲꓸꓹ ꓖꓴ ꓕꓱ ꓟ ꓔꓯ ꓟꓽ ꓙ ꓙ ꓔꓬ ꓗꓷ ꓟ ꓮ ꓟꓬ ꓙꓳ ꓡꓳ=ꓖꓳ ꓟ ꓑꓶꓸ ꓓꓴ ꓠꓲꓹ ꓠꓵ ꓟ ꓬꓲ ꓤ ꓠꓬꓲꓸ ꓤ ꓐꓴꓳ꓾ ꓮ ꓟꓶꓽ ꓗꓪ ꓐꓰ ꓣꓳ ꓔꓬ ꓖꓴ ꓦꓲꓸꓹ ꓔꓯ ꓫꓸ ꓟꓳ ꓪ ꓐꓰ ꓣꓳ ꓠꓲꓹ ꓟ ꓗꓪ ꓐꓰ ꓐꓯ ꓪ ꓡꓰ ꓝꓲ꓾ ꓡꓯ=  ꓮ ꓟꓬ ꓛꓲꓽ ꓟꓽ ꓐꓲ ꓝꓲ ꓥˍꓟꓲ ꓣꓳ ꓦꓲꓸꓹ ꓥˍ ꓡꓳ= ꓢꓴ ꓔꓬ ꓗꓴꓸ ꓦꓲꓸꓹ ꓟ ꓙꓳ ꓢꓲ꓾ ꓙ ꓖꓴ ꓙ ꓐ ꓗꓪ ꓔꓬ ꓢꓴ ꓮ ꓟꓬꓹꓔꓬ ꓡꓳ= ꓬꓲ ꓪ ꓐꓴ ꓕꓯ ꓢꓲ꓾ ꓣꓳ ꓠꓬ ꓮ ꓗꓶꓸ ꓣꓱꓽ ꓛꓲ ꓟꓶ ꓡꓳ= ꓓ ꓪꓴꓸ ꓪꓴ-ꓢ ꓔꓯ ꓫꓸ ꓟꓳ ꓪꓴ-ꓢ ꓔꓯ ꓫꓱꓹ ꓖꓶ꓾ ꓖꓳ ꓗꓹ ꓠꓯꓼ ꓣꓳ ꓦꓲꓸꓹ ꓔꓯ ꓫꓸ ꓟꓳ ꓐꓯ ꓪ ꓡꓰ ꓝꓲ=