ꓔ ꓟꓼ ꓩꓴꓸ ꓓꓲꓸꓹ ꓢꓴ ꓞꓲ ꓣꓳ ꓓ ꓡꓰ_ ꓟ

Wednesday, November 11, 2020

ꓡꓴ-ꓘ ꓕꓳꓽ ꓶ 17: 11-19

ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓙꓰ_ ꓕꓯ꓾ ꓢ-ꓟ-ꓡꓲ_ ꓐꓰ ꓖ-ꓡꓲ-ꓡꓲ ꓟꓵꓽ ꓗꓪ ꓗꓳꓸ ꓬꓯꓼ_ ꓡꓳ꓿ ꓖꓳ ꓡꓱ ꓢꓲ ꓘꓹ ꓕꓲ ꓘꓹ ꓗꓪ ꓓꓵ ꓙꓰ ꓔꓬ_ ꓕꓯ꓾ ꓔꓸ ꓟꓼ ꓩꓴ ꓓꓲ ꓢꓴ ꓞꓲꓻ ꓣꓳ ꓬꓲ ꓔꓯ ꓔꓳꓹ ꓜꓳ ꓢꓲ꓾ ꓶꓽ ꓤ ꓗꓪ ꓦꓰꓼ ꓞ ꓢꓲ ꓠꓬꓲ꓾ ꓢꓯꓼ ꓓꓽ ꓟ ꓡꓰ ꓘꓴꓻ ꓢꓲ꓾ ꓟꓸ ꓒ ꓬꓰ-ꓢꓴꓳ꓾ ꓥꓪ ꓠꓴꓽ ꓔꓯ ꓫꓱꓸ ꓤ ꓡꓯ꓾ ꓐꓯ_ ꓡꓳ꓿ ꓬꓰ-ꓢꓴ ꓬꓲ ꓪ ꓔꓯ ꓡꓳꓸ ꓟꓳ ꓗꓷ ꓠꓬ ꓬꓲ ꓪ ꓔꓯ꓾ ꓠꓴ ꓪ ꓖꓳ ꓓꓱ ꓔꓲ ꓒ ꓐꓴ ꓔꓯ ꓟꓳꓸ ꓖꓶ ꓬꓰ꓾ ꓐꓯ_ ꓡꓳ꓿ ꓬꓲ ꓪ ꓬꓲ ꓖꓳ ꓡꓱ ꓙꓰ_ ꓕꓯ꓾ ꓬꓲ ꓪ ꓢꓲꓽ ꓫꓬ ꓡꓰ_ ꓡꓳ꓿ ꓬꓲ ꓪ ꓗꓪ ꓟ ꓕꓲ ꓣꓳ ꓠꓬ ꓬꓲ ꓓꓻ ꓡꓰ_ ꓟ ꓔꓯ ꓟꓳꓻ ꓗꓷ ꓠꓬ꓾ ꓬꓲ ꓚꓱꓹ ꓬꓲꓼ ꓡ ꓢꓲ꓾ ꓢꓯꓼ ꓓꓽ ꓟ ꓡꓰ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓢꓲ ꓠꓬꓲ꓾ ꓬꓰ-ꓢꓴ ꓛꓲ ꓔꓲ ꓗꓪ ꓟꓳꓼ ꓡꓰ ꓢꓲ꓾ ꓬꓲ ꓔꓯ ꓫ ꓟꓳ_ ꓡꓳ꓿ ꓕꓱ ꓕꓲ ꓣꓳ ꓠꓬ ꓢ-ꓟ-ꓡꓲ ꓡ ꓞꓳ ꓥ ꓡꓳ꓿ ꓬꓰ-ꓢꓴ ꓡꓰ꓾ ꓢꓲꓽ ꓫꓬ ꓡꓰ_ ꓟ ꓠꓬ ꓞꓲꓻ ꓣꓳ ꓟꓽ ꓥ ꓡꓺꓽ꓿ ꓖꓳ ꓗꓴꓸ ꓣꓳ ꓟ ꓠꓽ ꓮ ꓡꓲ ꓗꓪ ꓙꓰꓳ ꓪꓺꓽ꓿ ꓐꓶꓽ ꓒ ꓕꓱ ꓕꓲ ꓣꓳ ꓟꓽ ꓥ ꓠꓬ꓾ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓠꓹ ꓟ ꓚꓱꓹ ꓬꓲꓼ ꓡ ꓢꓴ ꓟꓽ ꓙꓳ ꓡꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓔꓴ ꓢꓲ ꓙꓰ ꓨ꓾ ꓠꓴ ꓙꓵꓻ ꓠꓲꓹ ꓡꓰ ꓠꓴ ꓔꓯ ꓚꓬꓴ ꓗꓷꓳ꓾ ꓐꓯ_ ꓡꓳ꓿