CLAY Center ꓗꓪ ꓟꓬꓱꓽ ꓬꓰ ꓔꓬ ꓟ ꓟꓸ ꓒ ꓜ-ꓬꓳ-ꓓꓶ ꓐꓰ ꓫ- ꓕꓱ ꓡꓯꓽ ꓘꓳꓹ ꓟ

Center for Learning Alternatives for Youth (CLAY) Center ꓠꓬ ꓞꓳ ꓡꓱ ꓤꓽ ꓐꓴ ꓐꓱ ꓶ ꓝꓸ ꓢꓲ ꓢꓷꓸ ꓙꓵꓽ ꓙꓳꓹ ꓟ ꓔꓯ ꓟꓸ ꓖꓶꓽ ꓔꓬ ꓟ ꓢꓳꓸꓹ ꓦꓲꓸꓹ ꓥ ꓡꓳ=

CLAY Center ꓗꓪ (1) ꓙꓵꓽ ꓢꓴ ꓜꓴꓸꓹ (2) ꓛꓲꓸꓸ ꓫꓳꓸ ꓡꓯꓽ ꓫꓳ-ꓸ ꓠꓸ ꓑꓳꓸꓹ ꓟꓽ ꓑꓸꓹ ꓙ-ꓸ ꓫ ꓕꓱꓸꓹ ꓟꓽ ꓗꓴꓸ ꓔ ꓢꓴ ꓔꓯꓸ ꓢꓷꓸ ꓠꓲꓹ ꓖꓶ_ ꓟ ꓟꓬꓱꓽ ꓟꓯꓸꓹ ꓢꓴ (3) CLAY Center ꓗꓪ ꓡ ꓟꓽ ꓐꓸꓸ ꓡ ꓢꓴ ꓔꓯ ꓕꓲꓽ ꓟꓵꓽ ꓡꓰ ꓕꓲꓽ ꓟꓵꓽ ꓗꓪ ꓚꓳ ꓢꓲ ꓠꓬꓲ ꓞꓳ ꓡꓱ ꓐꓴ ꓔꓯ ꓟꓸ ꓖꓶ- ꓟ ꓟꓬꓱꓽ ꓟꓯꓸꓹ ꓢꓴ (4) CLAY Center ꓜꓴꓸꓹ ꓚꓰꓸꓸ ꓗꓪ ꓟꓸ ꓖꓶꓹ ꓟ ꓟꓬꓱꓽ ꓟꓯꓸꓹ ꓢꓴ ꓐꓰ ꓐꓯ ꓢꓲꓸ 4 ꓜꓴꓸꓹ ꓙꓳꓸ ꓡꓳ=

ꓖꓳ ꓗꓪ ꓟꓸ ꓖꓶꓹ ꓟ ꓠꓬ (1) ꓪꓴꓸ ꓓꓵ ꓣꓱꓽ ꓢꓷꓸ ꓠꓲꓹ (Leadership) ꓔꓦ ꓦꓸꓹ ꓒꓴꓸꓸ ꓢ ꓦꓸꓹ ꓟꓸ ꓖꓶꓹ ꓟ-ꓸ (2) ꓠꓲꓹ ꓟ ꓟꓽ ꓣꓳ ꓠꓹ ꓟ ꓢꓯꓼ ꓖꓶꓸꓹ ꓟ ꓢꓳꓹ ꓜꓲꓼ ꓓꓴ (3) ꓟꓴꓽ ꓖꓪ ꓢꓯꓼ ꓟꓸ ꓖꓶꓹ ꓟ (4) ꓔꓶꓸꓹ ꓜꓽ ꓔꓶꓸꓹ ꓚꓱꓹ ꓟꓸ ꓖꓶꓹ ꓟ (5) ꓔꓸ ꓔꓶꓸ (Hotel) ꓐꓰ ꓜꓸꓹ ꓜꓽ ꓙꓲꓸꓹ ꓗꓪ ꓟꓬꓱꓽ ꓟꓶꓸꓹ ꓠꓹ ꓟ ꓢꓷꓸ ꓠꓲꓹ-ꓸ

ꓠꓸ ꓑꓳꓸꓹ ꓟꓽ ꓑꓸꓹ ꓙ ꓢꓴ ꓐꓰ ꓫꓸ ꓕꓱꓸꓹ ꓟꓽ ꓗꓴꓸ ꓔ ꓢꓴ ꓔꓯ ꓞꓲꓸꓸ ꓡꓵꓸꓸ ꓡꓯꓽ ꓡꓵꓸꓸ (ꓟꓷꓸꓸ ꓠꓲꓽ ꓪꓴꓸ) ꓢꓲꓸ ꓕꓲꓽ ꓣꓳꓸꓸ ꓛꓳꓽ ꓕꓲꓽ ꓣꓳ ꓫꓸ ꓕꓱꓸꓹ ꓝꓸ ꓡꓯꓽ ꓘꓳꓸꓹ ꓠꓹ ꓟ ꓔꓯꓸ ꓟꓸ ꓖꓶꓽ ꓔꓬꓹ ꓡꓳ= CLAY Center ꓗꓪ ꓠꓬ ꓞꓳꓸꓹ ꓫꓵꓽ ꓟꓽ ꓒꓯꓼ (ꓞꓳꓸꓹ ꓫꓵꓽ ꓟꓽ ꓢꓲꓸꓸꓢꓲꓸꓸ)-ꓸ ꓘꓴ-ꓜꓲ-ꓞꓳ ꓟꓽ ꓒꓯꓼ (ꓘꓴ-ꓜꓲ-ꓞꓳ ꓟꓽ ꓢꓲꓸꓸ ꓢꓲꓸꓸ) ꓘꓳ ꓣꓴ ꓟꓸ ꓖꓶꓽ ꓔꓬꓹ ꓡꓳ=