ꓖꓳ ꓓꓱ ꓔꓲꓹ ꓖꓶ ꓢꓴ ꓬꓳ-ꓦ ꓦꓵꓸꓹ ꓡ ꓟ

Thursday, December 10, 2020

ꓡꓴ-ꓘ ꓕꓳꓽ ꓶ 1: 57-66

ꓬꓲ-ꓡꓲ-ꓫ-ꓑꓷ ꓤ ꓠꓱ ꓦꓵ ꓦꓬꓼ ꓠꓬꓲ ꓐꓲ ꓡ_ ꓕꓯ꓾ ꓬꓲ ꓠꓬ ꓤꓽ ꓕꓲ ꓣꓳ ꓦꓵ_ ꓡꓳ꓿ ꓢꓲꓺ ꓒ ꓬꓲ ꓔꓯ ꓮ ꓘꓶ ꓫꓱꓸ ꓤ_ ꓟ꓾ ꓠꓶꓽ ꓛꓳ ꓕꓲ ꓛꓳ_ ꓐꓰ ꓬꓲ ꓫꓵꓽ ꓬꓲ ꓧꓪ ꓐꓴ ꓑ ꓙꓽ ꓠꓬ꓾ ꓬꓲ_ ꓐꓰ ꓕꓲ ꓡꓰꓹꓼ ꓗꓹ ꓛꓲ_ ꓡꓳ꓿ ꓦꓰꓼ ꓠꓬꓲ ꓕꓲ ꓠꓬꓲ ꓗꓪ꓾ ꓬꓲ ꓪ ꓠꓬ ꓤ ꓠꓱ ꓤ ꓔꓯ ꓶꓺ ꓩꓴ ꓗꓷ_ ꓟ ꓗ ꓫꓵ ꓬꓰ ꓖꓶ_ ꓐꓰ ꓡ ꓢꓲ꓾ ꓬꓲ ꓐꓹ ꓐ ꓟꓬꓱꓺ_ ꓡꓰ ꓐꓰ꓾ ꓬꓲ ꓔꓯ_ ꓟꓲ ꓢ-ꓚꓬ-ꓡꓲ-ꓬ꓾ ꓟꓬꓱꓺ ꓖꓶ ꓠꓲꓹ ꓫꓵ_ ꓡꓳ꓿ ꓬꓲ ꓟꓹ ꓟ ꓠꓬ꓾ ꓟꓽ ꓥ꓾ ꓬꓲ ꓔꓯ ꓬꓳ-ꓦ ꓟꓬꓱꓺ ꓠ ꓗ_ ꓡꓳ꓾ ꓐꓰ ꓐꓯ ꓖꓶ_ ꓡꓳ꓿ ꓬꓲ ꓪ ꓡꓰ ꓬꓲ ꓔꓯ꓾ ꓠꓴ ꓫꓵꓽ ꓠꓴ ꓧꓪ ꓗꓪ꓾ ꓕꓱ ꓡꓱ ꓟꓬꓱꓺ ꓔ ꓢꓴ ꓕꓲ ꓣꓳ_ ꓟꓲ ꓟꓽ ꓙꓳ꓾ ꓐꓯ_ ꓡꓳ꓿ ꓬꓲ ꓪ ꓠꓬ ꓬꓲ ꓔꓯ ꓮ ꓡꓲ ꓟꓬꓱꓺ ꓖꓶ ꓠꓲꓹ ꓫꓵ_ ꓡꓳꓺꓽ꓾ ꓐꓰ ꓬꓲ ꓐꓹ ꓐ ꓔꓯ ꓟꓶꓻ ꓥꓳꓽ ꓡꓵꓸ ꓖꓶ_ ꓡꓳ꓿ ꓬꓲ ꓠꓬ ꓕꓳ ꓶ ꓐꓳ ꓒꓬꓸ ꓧꓪ ꓢꓲ꓾ ꓬꓲ ꓟꓬꓱꓺ ꓠꓬ ꓬꓳ-ꓦ ꓥ ꓡꓳ꓾ ꓐꓰ ꓐꓳ ꓔ_ ꓡꓳ꓿ ꓖꓳ ꓡꓱ ꓠꓬꓲ ꓬꓲ ꓪ ꓮ ꓙꓵ ꓢꓴ ꓓꓵꓽ ꓙ ꓟꓶ_ ꓡꓳ꓿ ꓢ-ꓚꓬ-ꓡꓲ-ꓬ ꓟꓷ ꓠꓷꓹ ꓞꓼ ꓐꓰ ꓒꓴꓺ ꓡ ꓢꓲ꓾ ꓡ ꓛꓱ_ ꓟꓲ ꓐꓶꓻ ꓡ ꓢꓲ ꓠꓬꓲ꓾ ꓪꓴ-ꓢ ꓔꓯ ꓫꓱ ꓖꓶ_ ꓟ ꓥꓳꓽ ꓫ ꓕꓱ ꓓꓳ ꓡ_ ꓡꓳ꓿ ꓚꓳ ꓡꓳ ꓗꓪ ꓔꓬ ꓢꓴ ꓠꓶꓽ ꓛꓳ ꓕꓲ ꓛꓳ ꓥ ꓕ ꓑꓳ ꓠꓬ ꓙꓳꓺ ꓡꓰ_ ꓡꓳ꓿ ꓓꓳꓽ ꓕꓱ ꓟ ꓠꓬ ꓬꓴ-ꓔ ꓪ ꓚꓲ ꓟꓵꓽ ꓮ ꓙꓵ ꓡꓱꓸꓼ ꓗꓪ ꓐꓯ ꓓꓳ ꓙꓰ_ ꓡꓳ= ꓑ ꓙ ꓢꓴ ꓥ ꓕ ꓑꓳ ꓠꓬ ꓬꓲ ꓪ ꓠꓲꓹ ꓟ ꓗꓪ ꓗꓶ ꓔꓸ ꓢꓲ꓾ ꓤ ꓠꓱ ꓕꓱ ꓟ ꓪꓴꓽ ꓡ ꓠꓬ ꓮ ꓡꓲ ꓒꓬꓱꓼ ꓡ_ ꓥꓳ ꓪꓺꓽ꓾ ꓐꓰ ꓐꓯ ꓔꓬ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓢꓲꓺ ꓒ ꓡꓯ ꓒꓯꓹ ꓠꓬ ꓚꓵ ꓚꓵ ꓤ ꓠꓱ ꓤ ꓔꓯ ꓚꓰꓹ ꓞ_ ꓡꓳ꓿