ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓗꓷ_ ꓟ

ꓢꓲ ꓫꓬ ꓕꓳ ꓶ ꓗꓪ ꓬꓲꓸ ꓫꓵꓸ ꓫꓵꓸ ꓔ ꓟ ꓐꓰ ꓶꓼ ꓫ_ ꓟ ꓔꓯ ꓥꓳꓽ ꓮ ꓟꓬꓹ ꓟꓳ ꓪ ꓟ ꓥꓳ= ꓡ ꓞꓳ ꓮ ꓫꓵꓽ ꓫꓵꓸ_ ꓠꓬ ꓖꓳ ꓕꓲ ꓫꓵꓽ ꓶꓼ ꓫ ꓟꓶ_ ꓥꓳ= (ꓖ-ꓡ-ꓕꓲ-ꓬ 6ꓽ7) ꓐꓰ ꓙꓳ_ ꓡꓳ= ꓠꓬꓲꓸ ꓠꓬꓲ ꓟ ꓢꓲ ꓫꓬ ꓕꓳ ꓶ ꓝꓲꓸ ꓗꓪ ꓐꓰ ꓝꓲ ꓓꓴ ꓐꓴ 12 ꓣꓳ ꓔꓯ ꓓꓵꓽ ꓙ ꓓꓴ ꓬꓰ ꓡꓯ= ꓬꓲ ꓪ ꓠꓬ ꓬꓲ ꓪ ꓠꓯꓼ ꓗꓪ ꓢꓯꓼ ꓪ ꓟꓽ ꓙꓳ-ꓸ ꓬꓲ ꓪ ꓚꓲ ꓛꓬ ꓠꓬ ꓡꓳ ꓒꓱ ꓗꓪ ꓞꓳ ꓪꓴꓽ ꓕꓲ ꓣꓳ ꓗꓷ ꓡꓰ ꓠꓹ ꓟ ꓥ ꓟꓲ ꓬꓰ ꓟꓽ ꓐ ꓡ= ꓖꓳ ꓡꓱ ꓥ ꓟꓲ ꓬꓲ ꓪ ꓠꓬ ꓬꓰ-ꓢꓴ ꓔꓯ ꓮ ꓘꓶꓸ ꓙꓵꓸꓹ ꓢꓲ ꓬꓲ ꓪ ꓠꓯꓼ ꓗꓪ ꓙꓳ_ ꓟ ꓮ ꓙꓵꓽ ꓡꓳ ꓩꓴ ꓗꓷ ꓢꓲ ꓬꓰ-ꓢꓴ ꓠꓯꓼ ꓗꓪ ꓛꓳ_ ꓟ ꓥꓳ= ꓬꓲ ꓪ ꓐꓲ ꓞꓲꓼ_ ꓟ ꓢꓷꓸ ꓠꓲꓹ ꓟꓽ ꓙꓳ ꓥ ꓟꓲ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓟꓽ ꓫꓬ ꓠꓲꓽ ꓖꓼ ꓓꓳ ꓗꓷ ꓠꓹ ꓟ-ꓸ ꓠꓽ ꓫꓵꓽ ꓠ ꓙꓰꓽ ꓮ ꓙꓵꓽ ꓫꓬꓹ ꓓ ꓡꓰ ꓠꓹ ꓟ ꓙꓵꓽ ꓪ ꓖꓶ_ ꓟ ꓥꓳ= ꓪꓴ-ꓢ ꓶꓽ ꓓꓳ ꓫꓱꓸ ꓓꓳ ꓟꓸ ꓟꓲꓽ ꓚ ꓠꓹ ꓟ ꓝꓲ ꓩꓴ ꓗꓷ_ ꓟ ꓥꓳ= ꓣꓳ ꓥ ꓟꓲ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯꓸ ꓔꓬ ꓟ ꓗꓪ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓣꓳ ꓔꓯ ꓙꓵꓽ ꓪ ꓖꓶ ꓡ ꓠꓬ ꓮ ꓟꓬ ꓛꓲ ꓬꓰ ꓐ ꓡ_ ꓡ? ꓐꓰ ꓓꓵꓽ ꓙ ꓠ ꓔ ꓡꓳ= ꓟꓴ ꓗꓪ ꓗꓴꓷꓼ ꓠꓶꓽ ꓡꓸꓹꓳ-ꓸ ꓥ ꓟ ꓑꓶ ꓓꓴ ꓣꓳ ꓔꓱ_ ꓟ ꓬꓲ ꓫꓵꓸ ꓔꓯ ꓫꓵꓸ ꓢꓲ ꓫꓱꓸ ꓤ_ ꓟ ꓢꓶꓸ ꓢꓶꓽ ꓔꓯ ꓡꓰ ꓶꓼ ꓫ ꓢꓲ-ꓸ ꓢꓲ ꓡꓲꓹ ꓗꓹ ꓛꓲ_ ꓟ ꓪꓴ-ꓢ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓓꓴ ꓬꓰ ꓡꓯ=