ꓪꓴ‐ꓢ ꓟꓬꓱꓺ ꓓꓳꓽ ꓓꓳꓺ ꓠ, ꓟ ꓢꓯꓼ ꓕꓵꓼ

ꓪꓴ‐ꓢ ꓟꓬꓱꓺ ꓓꓳꓽ ꓓꓳꓺ ꓠ, ꓟ ꓢꓯꓼ ꓕꓵꓼ

ꓬꓲꓼ ꓤ ꓠꓬꓲ ꓤ ꓐꓴ‐ꓳ ꓠꓬꓲ. ꓠꓬꓲ ꓣꓳꓽ ꓦ ꓢꓯꓼ ꓪ ꓣꓴ ꓓꓴ ꓠꓬ ꓬꓳ‐ꓦ 5ꓽ17‐30 ꓗꓪ ꓛꓲ ꓥꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓐ, ꓐ ꓐꓰ ꓕꓲꓽ ꓪ ꓥ ꓟ ꓐꓰ ꓐ, ꓐ ꓠꓬ ꓬꓲ. ꓗꓪ ꓐꓰ ꓟꓬꓱꓽ ꓬꓰ ꓔꓬ, ꓟ ꓣꓳꓽ ꓑ, ꓙ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓞꓳ ꓤ ꓕꓲꓽ ꓣꓳ ꓮ ꓡꓰ ꓐꓰ ꓛꓳ ꓫꓱꓽ ꓠ, ꓟ ꓙ ꓖꓴ ꓟ. ꓔꓲ. ꓖꓶˍ ꓡꓳ꓿ ꓬꓲ. ꓠꓬ ꓬꓴ‐ꓓ ꓡ ꓞꓳ ꓐꓴ ꓟꓬꓱꓺ ꓘꓴ ꓟꓽ ꓑꓶ. ꓟ ꓪꓴ‐ꓢ ꓔꓯ ꓐ, ꓐ ꓘꓴ ꓢꓲ ꓣꓳꓽ ꓮ ꓙꓵꓽ ꓢꓴ ꓔꓯ ꓥˍ ꓟꓲ ꓬꓲ. ꓡꓰ ꓐꓰ ꓐ, ꓐ ꓘꓴ ꓠ, ꓟ ꓙ ꓖꓴ ꓟꓳ. ꓖꓶꓽ ꓔꓲ. ꓟ ꓥꓳ꓿ ꓢꓲ ꓒ ꓬꓰ‐ꓢꓴ ꓟꓲꓺ ꓠꓯꓺ ꓕꓱ ꓟ ꓗꓪ ꓬꓯꓼ ꓡˍ ꓟ ꓠꓬ ꓣꓳꓽ ꓮ ꓙꓵꓽ ꓢꓴ ꓝꓴꓲ. ꓡꓵ. ꓦ ꓗꓷ ꓠ, ꓟ ꓡꓰ ꓟꓽ ꓛꓲ꓾ ꓣꓳꓽ ꓐꓰ ꓙ ꓡꓯ ꓘꓳ ꓠ, ꓟ ꓬꓯꓼ ꓡ ꓡꓳ꓿ ꓐ, ꓐ ꓪꓴ‐ꓢ ꓠꓬ ꓢꓲ ꓒ ꓬꓰ‐ꓢꓴ ꓬꓲ. ꓟꓲꓺ ꓠꓯꓺ ꓗꓪ ꓬꓯꓼ ꓡˍ ꓕꓯ ꓟꓬꓺ ꓢꓲꓽ ꓗꓪ ꓐꓰ ꓟꓳ ꓟꓽ ꓓ ꓥˍ ꓟꓲ ꓬꓲ. ꓠꓬ ꓢꓲ ꓒ ꓬꓰ‐ꓢꓴ ꓐꓰ ꓕꓲꓽ ꓡꓰˍ ꓐꓰ ꓔꓬ, ꓢꓲ ꓟꓬꓱꓽ ꓬꓰ ꓔꓬ, ꓡꓳ ꓐꓰ ꓠꓬꓲ. ꓠꓬꓲ ꓟ. ꓟꓲꓽ ꓗꓪ ꓐꓰ ꓣꓳꓽ ꓢꓷ. ꓪ ꓓ ꓡꓳ꓿ ꓬꓲ ꓤ ꓠꓬꓲ ꓤ ꓐꓴ‐ꓳ ꓪꓴ‐ꓢ ꓠꓬ ꓢꓲ ꓒ ꓬꓰ‐ꓢꓴ ꓗꓪ ꓐꓰ ꓣꓳꓽ ꓔꓯ ꓙ ꓖꓴ ꓟ. ꓖꓶꓽ ꓗꓷꓳ꓿ ꓟꓴ ꓗꓪ ꓗꓪ ꓟ ꓐ, ꓐ ꓔꓯ ꓐ, ꓐ ꓐꓰ ꓘꓴ ꓠꓯ ꓟ ꓙꓵꓽ ꓪ ꓖꓶꓽ ꓗꓷꓳ꓿ ꓪꓴ‐ꓢ ꓠꓬ ꓣꓳꓽˍ ꓐꓰ ꓟꓬꓱꓽ ꓬꓰ, ꓠꓲ, ꓫꓵ ꓡꓳ꓿ ꓪꓴ‐ꓢ ꓠꓬ ꓠꓴ ꓡꓯ ꓒꓯ ꓥꓪ. ꓠꓲ, ꓫꓵˍ ꓡꓳ꓿ ꓪꓴ‐ꓢ ꓠꓬ ꓠꓴ ꓟꓬꓺ ꓢꓲꓽ꓾ ꓠꓴ ꓛꓲ ꓒꓯ꓾ ꓠꓴ ꓠꓲ, ꓟ꓾ ꓠꓴ ꓖꓳ ꓓꓱ ꓮ ꓙꓵꓽ ꓔꓯ ꓥꓪ. ꓢꓲ ꓬꓲ. ꓟꓬꓱꓽ ꓬꓰ ꓠꓲ, ꓫꓵˍ ꓡꓳ꓿ ꓠꓬꓲ. ꓠꓬꓲ ꓣꓳꓽ ꓦ ꓢꓯꓼ ꓪ ꓣꓴ ꓓꓴ ꓠꓬ꓾ ꓪꓴ‐ꓢ ꓠꓬ ꓶ ꓤ ꓗꓪ ꓟꓽ ꓔꓬꓳ꓿ ꓠꓬꓲ. ꓠꓬꓲ ꓣꓳꓽ ꓐꓰ ꓗꓴ. ꓜꓲꓼ ꓙꓳ ꓡꓰ ꓢꓲ ꓠꓬꓲ ꓣꓳꓽˍ ꓐꓰ ꓔꓬ, ꓡꓳ꓿ ꓣꓳꓽ ꓖꓳ ꓓꓱꓽ ꓗꓪ ꓐꓰ ꓪꓴ‐ꓢ ꓟꓬꓱꓽ ꓓꓳꓽ ꓓꓳꓺ ꓡ ꓠ, ꓟ ꓢꓯꓼ ꓕꓵꓼ ꓙꓰ ꓡꓯ꓿