ꓜ ꓫꓵ ꓫꓵꓸ_ ꓟ ꓔꓯ ꓥꓳꓽ

ꓪꓴ-ꓢ ꓗꓪ ꓐꓰ ꓢꓲ ꓚꓰꓸ ꓢꓴ ꓡꓰ ꓣꓱ ꓛꓰ ꓐꓲ ꓞꓹ ꓢꓴ ꓐꓰ  ꓕꓱ ꓡꓱ ꓓꓵꓽ ꓙ ꓟꓶ_ ꓟ ꓥꓳ= ꓝꓲ ꓓꓴ ꓒꓳ-ꓡꓳ ꓥ ꓟꓲ “ꓟꓹ ꓟ ꓤ ꓘꓶ ꓗꓪ ꓔꓬ ꓢꓰꓽ ꓕꓯ_ ꓡꓰ ꓥꓪ ꓔꓯ ꓢꓲ ꓚꓰꓸ ꓔ ꓢꓲ꓾ ꓣꓱ ꓛꓰ ꓗꓪ ꓐꓰ ꓥꓪ ꓔꓯ ꓘꓴ ꓢꓴ ꓪꓴ-ꓢ” ꓐꓰ ꓖ-ꓡ-ꓕꓲ-ꓬ 1ꓽ15 ꓗꓪ ꓪꓴ-ꓢ ꓘꓴ_ ꓟ ꓔꓯ ꓪ ꓟꓶ_ ꓟ ꓥꓳ= ꓖꓳ ꓟ ꓡꓰ ꓐꓰ ꓖꓳ ꓓꓱꓽ ꓔꓲꓹ ꓒꓽ ꓬꓳ-ꓦ ꓥ ꓟꓲ ꓪꓴ-ꓢ ꓗꓪ ꓐꓰ ꓢꓲ ꓚꓰꓸ ꓟꓶ_ ꓟ ꓥ ꓡꓳ= (ꓡꓴ-ꓘ 1ꓽ15) ꓥ ꓟ ꓑꓶ ꓓꓴ ꓕꓱ ꓡꓱ ꓡ ꓞꓳ ꓐꓴ ꓡꓰ ꓪꓴ-ꓢ ꓗꓪ ꓐꓰ ꓢꓲ ꓚꓰꓸ ꓟ ꓣꓱ ꓛꓰ ꓪ ꓟꓶ ꓢꓴ ꓥ ꓡ? ꓐꓰ ꓓꓵꓽ ꓙ ꓟꓶ ꓓꓴ ꓙꓳ_ ꓡꓳ= ꓖꓳ ꓡꓱ ꓥ ꓟꓲ ꓪꓴ-ꓢ ꓡꓰ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓔꓯ ꓘꓴ_ ꓟ ꓥꓳ= ꓣꓳ ꓚꓲ ꓛꓬ ꓮ ꓫꓵꓽ ꓡꓰ ꓟꓽ ꓥ ꓐꓰ ꓕꓽ ꓓꓵꓽ ꓙ꓾ ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓠꓬ ꓪꓴ-ꓢ ꓐꓱ ꓶ ꓮ ꓘꓶꓸ ꓐꓲ ꓜꓲꓼ_ ꓟ ꓞꓳ ꓤ ꓥ ꓡꓳ= ꓮꓸ ꓣꓳ ꓤ 99 ꓟ ꓗꓪ ꓐꓰ 1 ꓟ ꓟꓶ ꓡꓰ ꓥ ꓟꓲ ꓖꓳ ꓕꓲ ꓟ ꓔꓯ ꓟꓽ ꓟꓳ ꓟꓽ ꓢ ꓧꓪꓹ ꓟ ꓮꓸ ꓣꓳ ꓡꓳꓸ ꓒꓽ ꓔꓬ ꓡꓳ= ꓖꓳ ꓟ ꓑꓶ ꓓꓴ ꓣꓳ ꓚꓲ ꓛꓬ ꓠꓲꓹ ꓟ ꓟꓽ ꓣꓳ ꓢꓯꓸ ꓔꓬ ꓠꓹ ꓟ꓾ ꓢꓯꓼ ꓕꓵꓼ ꓠꓹ ꓟ꓾ ꓙꓵꓻ ꓠꓲꓹ ꓐꓰ ꓙꓻ ꓫꓱꓽ ꓠꓹ ꓟ ꓥ ꓡꓳ= ꓣꓳ ꓠꓬ ꓪꓴ-ꓢ ꓟꓲ ꓙꓬ ꓗꓪ ꓐꓲ ꓜꓲꓼ ꓢꓴ ꓡꓰ ꓥꓳ ꓐꓰ ꓓꓵꓽ ꓙ ꓢꓲ ꓢꓯꓼ ꓕꓵꓼ ꓠꓹ ꓟ ꓥ ꓡꓳ=