ꓟꓴ ꓗꓪ ꓗꓴꓷꓼ ꓔꓯ ꓥꓳꓽ

ꓟꓴꓽ ꓗꓪ ꓗꓴꓷꓼ ꓠꓬ꓾ ꓦ ꓟꓲ ꓕꓲ ꓡꓯꓼ ꓗꓪ ꓚꓵꓺ ꓞꓹ ꓟ ꓒꓵꓽ ꓶꓽˍ ꓡꓰ ꓐꓰ ꓗꓹ ꓡꓳ꓿ ꓡ ꓞꓳ ꓕꓲ ꓣꓳ ꓡꓰ ꓧꓪ ꓟꓳꓻ ꓗꓷ ꓠꓬ꓾ ꓫꓬꓹ ꓚꓵꓺ ꓗꓷ ꓢꓲ꓾ ꓗꓹ ꓛꓲꓽ ꓠꓬꓲ ꓙꓰ ꓢꓲ ꓬꓲ ꓙꓳˍ ꓟ ꓮꓽ ꓙꓵ ꓪꓴꓽ ꓗꓷ ꓢꓲ ꓠꓬꓲ꓾ ꓦ ꓟꓲ ꓖꓳ ꓕꓲ ꓡꓯꓼ ꓔꓯ ꓪꓴꓻˍ ꓡꓳ꓿ꓝꓮꓲ ꓟꓴꓽ ꓗꓪ ꓗꓴꓷꓼ ꓠꓬ꓾ ꓙꓲꓻˍ ꓟ ꓡꓳꓻ ꓒꓴ ꓡꓴꓸ ꓢꓶꓽ ꓧꓪˍ ꓟ ꓶꓻ ꓡꓯꓼ ꓟꓴ ꓢꓴ ꓕꓲ ꓣꓳˍ ꓡꓰ ꓐꓰ ꓗꓹ ꓡꓳ꓿ꓮꓽ ꓘꓶꓸ ꓒꓵꓽˍ ꓟ ꓡꓳꓻ ꓒꓴ ꓡꓴꓸ ꓢꓶꓽ ꓕꓲ ꓢꓶꓽ ꓧꓪ ꓟꓳꓻ ꓗꓷ ꓠꓬ꓾ ꓙꓰ ꓢꓲ ꓬꓲ ꓙꓳˍ ꓟ ꓮꓽ ꓙꓵ ꓪꓴꓽ ꓗꓷ ꓢꓲ ꓠꓬꓲ꓾ ꓡꓳ ꓒꓴ ꓡꓴꓸ ꓢꓶꓽ ꓖꓳ ꓕꓲ ꓢꓶꓽ ꓟ ꓪꓴꓻˍ ꓡꓳ=

ꓠꓬꓲ ꓠꓬꓲ ꓟ ꓢꓲ ꓫꓬ ꓕꓳ ꓶ ꓝꓲꓸ ꓗꓪ ꓐꓰ ꓡ ꓞꓳ ꓕꓲ ꓐꓱ ꓠꓬ ꓪꓴ-ꓢ ꓐꓯ ꓘꓶꓽ ꓶꓼ ꓓꓳ ꓫꓱ ꓓꓳ ꓔꓯ ꓑ ꓙ ꓕꓯ ꓠꓲꓹ ꓟ ꓗꓪ ꓟꓽ ꓗꓹ ꓛꓲ ꓖꓳ ꓟ ꓡꓰ ꓟ ꓞꓲ ꓟꓸ ꓟꓲ ꓚꓺ ꓖꓶ ꓡ ꓢꓴ ꓔꓯ ꓥ ꓟꓲ ꓟꓽ ꓠꓲꓹ ꓫꓵꓽ ꓢꓴ ꓥ ꓟꓲ ꓟꓳ ꓪ ꓟ ꓥꓳ= ꓕꓲ ꓟꓲ ꓠꓯ ꓡꓱꓼ ꓕꓲ ꓗꓴꓷꓼ ꓡꓱꓼ ꓟꓽ ꓠꓲꓹ ꓫꓵ ꓗꓷ ꓡ ꓥ ꓟꓲ ꓪꓴ-ꓢ ꓐꓯ ꓘꓶꓽ ꓔꓱ_ ꓟ ꓔꓯ ꓠꓬ ꓪꓴ-ꓢ ꓟꓬꓱꓽ ꓟꓯ ꓢꓴ ꓢꓲ ꓫꓬ ꓢꓴ ꓙꓲ- ꓢꓴ ꓢꓲ ꓤ ꓐꓰ ꓪꓴ-ꓢ ꓶ ꓓꓳ ꓫꓱꓸ ꓓꓳ ꓔꓯ ꓚꓺ ꓒꓬꓱꓽ ꓠꓹ ꓟ ꓢꓲ ꓚꓰꓸ ꓦ ꓢꓴ ꓠꓬ ꓔꓱ ꓔꓱ ꓐꓰ ꓚꓺ ꓒꓬꓱ ꓙꓰ ꓠꓹ ꓟ ꓣꓱꓽ ꓬꓯꓼ ꓡꓳ= ꓖꓳ ꓟ ꓗꓪ ꓐꓰ ꓣꓳ ꓔꓯ ꓔꓳꓹ ꓢꓴ ꓛꓴꓽ ꓙ ꓢꓴ ꓙꓳ ꓥ ꓟꓲ ꓪꓴ-ꓢ ꓠꓬ ꓟꓽ ꓔꓱꓹ_ ꓟ ꓡ ꓞꓳ ꓐꓴ ꓗꓪ ꓐꓰ ꓣꓳ ꓔꓯ ꓡꓳꓸ ꓙ ꓖꓶ ꓢꓲ ꓚꓬꓴ ꓙ ꓟ ꓥꓳ=