ꓠꓻ ꓫꓵ ꓠꓻ ꓙꓰꓽ ꓫꓬꓹ ꓓꓻ ꓡꓰ_ ꓟ)

ꓠꓬꓲꓸ ꓠꓬꓲ ꓟ ꓢꓲ ꓫꓬ ꓕꓳ ꓶ ꓝꓲꓸ ꓗꓪ ꓐꓰ ꓢꓲ-ꓟꓴ ꓠꓬ ꓮ ꓘꓶꓸ ꓠꓻ ꓔꓬ ꓟ ꓬꓲꓸ ꓟꓹ ꓟ ꓑꓯꓹ ꓔꓯ ꓠꓻ ꓫꓬꓹ ꓖꓶ ꓠꓹ ꓟ ꓬꓰ-ꓢꓴ ꓔꓯ ꓓꓰꓽ_ ꓟ ꓥꓳ= ꓖꓳ ꓟ ꓡꓰ ꓐꓰ ꓠꓻ ꓫꓬꓹ ꓖꓶ ꓠꓹ ꓟ ꓬꓲ ꓪ ꓟꓽ ꓶ ꓓꓰꓽ ꓠꓬ ꓬꓲꓸ ꓟꓹ ꓟ ꓑꓯꓹ ꓠꓬ ꓠꓻ ꓫꓬꓹ ꓟꓽ ꓓꓻ ꓡꓰ꓾ ꓬꓲꓸ ꓙ ꓣꓳꓽ_ ꓟ ꓠꓲꓹ ꓟ ꓐꓰ ꓶ ꓓꓰꓽ_ ꓟ ꓑꓶ ꓓꓴ ꓥ ꓡꓳ= ꓬꓲꓸ ꓟꓹ ꓟ ꓑꓯꓹ ꓔꓯ ꓠꓻ ꓫꓬ ꓖꓶ ꓠꓹ ꓟ ꓐꓱ  ꓶ ꓓꓰꓽ_ ꓟ ꓢꓲ-ꓟꓴ ꓬꓲꓸ ꓬꓰ_ ꓟ ꓚꓱꓹ ꓠꓬ ꓣꓳ ꓐꓱ ꓶ ꓮ ꓘꓶꓸ ꓙꓲ_ ꓟ ꓔꓯ ꓥꓳ ꓥ ꓡꓳ= ꓣꓳ ꓐꓰ ꓠꓶꓽ ꓞꓹ ꓢꓴ ꓠꓱꓸ ꓐꓯꓼ ꓢꓴ ꓐꓱ ꓶ ꓠꓻ ꓫꓬ ꓓꓻ ꓡꓰ ꓠꓹ ꓟ꓾ ꓬꓲꓸ ꓚꓱꓹ ꓮ ꓟꓬꓹ ꓫꓵ ꓗꓪ ꓐꓰ ꓠꓲꓹ ꓟ ꓫꓸ ꓔꓬ ꓢꓴ ꓔꓯ ꓠꓲꓹ ꓗꓳꓸ ꓟꓬ ꓗꓳꓹ ꓖꓶ ꓠꓹ ꓟ ꓬꓰ-ꓢꓴ ꓔꓯ ꓶ ꓓꓰꓽ ꓪꓽ ꓘꓴ ꓙ_ ꓟ ꓔꓯ ꓥ ꓟꓲ ꓙꓳ_ ꓟ ꓥꓳ= ꓣꓳ ꓠꓬ ꓬꓰ-ꓢꓴ ꓗꓪ ꓐꓰ ꓧꓪꓽ ꓖꓳ ꓓꓱ ꓕꓲ ꓒꓳꓹ ꓗꓪ ꓥ ꓟꓲ ꓦ ꓕꓲ ꓒꓳꓹ ꓗꓪ ꓥ ꓟꓲ ꓠꓬꓲ ꓟꓳ ꓓꓴ ꓐꓰ ꓠꓻ ꓫꓬ ꓖꓶ ꓠꓹ ꓟ ꓔꓯ ꓣꓱꓽ ꓬꓯꓼ_ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓠꓻ ꓢꓴ ꓐꓰ ꓬꓰ-ꓢꓴ ꓠꓵ ꓠꓲꓹ ꓔꓯ ꓟꓽ ꓢꓷꓸ ꓢꓴ ꓐꓱ ꓶ ꓥ ꓟꓲ ꓣꓳ ꓪꓽ ꓘꓴ ꓙ ꓠꓹ ꓟ ꓣꓱ ꓬꓯꓼ_ ꓡꓳ= ꓣꓳ ꓡꓰ ꓟꓯ ꓔ ꓟ ꓶꓻ ꓡꓰ ꓓ ꓟ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓬꓰ-ꓢꓴ ꓠꓲꓹ ꓫꓵ_ ꓡꓳ= ꓬꓰ-ꓢꓴ ꓠꓬ ꓣꓳ ꓶꓽ ꓓꓰ ꓪꓽ ꓘꓴ_ ꓟ ꓔꓯ ꓮ ꓕꓯ ꓥ ꓟꓲ ꓠ ꓠꓹ ꓖꓶ_ ꓡꓳ=