ꓢꓲ ꓒ ꓡˍ ꓟ ꓔꓯ ꓦꓴ ꓠꓬꓹ ꓠꓯꓹ ꓟ

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓥ ꓟ ꓟ-ꓕꓲ 24ꓽ42-50 ꓗꓪ ꓢꓲꓺ ꓒ ꓡꓰ ꓕꓱ ꓡꓱ ꓐꓯ ꓔ ꓡꓳ= ꓖꓳ ꓡꓱ ꓠꓬꓲ ꓧꓪꓸ ꓛꓲꓽ ꓐꓰ ꓔꓬ= ꓮ ꓡꓲꓳ ꓐꓯ ꓠꓬ ꓠꓴ ꓪ ꓢꓲꓺ ꓒ ꓮ ꓡꓲ ꓕꓲ ꓠꓬꓲ ꓗꓪ ꓛꓲ ꓡˍ ꓟ ꓠꓴ ꓪ ꓟꓽ ꓢꓷꓸ= ꓞꓳ ꓘꓴꓽ ꓠꓬ  ꓢ ꓘꓪ ꓮ ꓡꓲ ꓕꓲ ꓝꓲꓸ꓾ ꓮ ꓡꓲ ꓕꓲ ꓙꓵꓹ ꓗꓪ ꓡˍ ꓡꓳ ꓐꓯ ꓟ ꓔꓯ ꓦꓲ ꓢꓲꓺ ꓒ ꓢꓷˍ ꓕꓯ ꓠꓽ꓾ ꓬꓲ ꓦꓲ ꓗꓪ ꓟꓽ ꓕꓴꓻ ꓓꓵ ꓡ ꓝꓲ ꓠꓹ ꓟ꓾ ꓬꓲ ꓧꓪꓸ ꓛꓲꓽ ꓐꓰ ꓔꓬˍ ꓡꓳ ꓫꓵ ꓥ ꓡꓳ= ꓕꓱ ꓟ ꓠꓽ ꓠꓴ ꓪ ꓢꓷ ꓠꓯˍ ꓡꓳ= ꓖꓳ ꓡꓱ ꓠꓬ ꓠꓴ ꓪ ꓙꓽ ꓖꓶ ꓔ= ꓮ ꓡꓲꓳ ꓐꓯ ꓠꓬ ꓠꓴ ꓪ ꓟꓽ ꓓꓵ ꓙ ꓔˍ ꓟ ꓖꓳ ꓕꓲ ꓙꓵꓹ ꓗꓪ ꓡ ꓞꓳ ꓮ ꓐꓲ ꓡˍ ꓥꓳ꓾ ꓐꓰ ꓐꓯ ꓔ ꓡꓳ=

ꓢꓲꓽ ꓫꓬ ꓕꓳ ꓶ ꓔꓯ ꓡꓳꓸ ꓠꓬꓲ ꓗꓷ ꓠꓬ ꓢꓲꓺ ꓒ ꓬꓰ-ꓢꓴ ꓡꓰ ꓧꓪꓸ ꓛꓲꓽ ꓔꓬ ꓠꓹ ꓟ ꓐꓯ ꓖꓶ ꓔꓬ ꓡꓳ= ꓣꓳ ꓟꓲ ꓠꓯ ꓞꓳ ꓤ ꓐꓴ ꓠꓬ ꓚꓲꓸ ꓛꓬ ꓟꓬꓱꓽ ꓟꓬꓽˍ ꓟ꓾ ꓚꓲꓸ ꓛꓬ ꓔꓯ ꓚꓲꓸ ꓛꓬ ꓠꓬꓲꓻ ꓙˍ ꓟ ꓐꓰ ꓚꓲꓸ ꓛꓬ ꓐꓱ ꓶˍ ꓡꓰꓽ ꓓꓴꓽ ꓙˍ ꓟ ꓬꓲ ꓙꓵꓹ ꓙꓳ ꓡ ꓗꓴꓸˍ ꓡꓳ=

ꓕꓰ ꓡꓰ ꓟꓬꓱꓽ ꓟꓬꓽ ꓔꓬ ꓟ ꓪꓴꓸ ꓠꓬꓲ ꓪꓴ-ꓢ ꓠꓬ ꓮ ꓕꓯ ꓕꓲ ꓙꓵꓹ ꓕꓯ ꓡꓹ ꓥ ꓟꓽ ꓢꓷꓸ= ꓮ ꓡꓲ ꓕꓲ ꓙꓵꓹ ꓗꓪˍ ꓟꓲ ꓬꓲ ꓡˍ ꓥꓳ꓾ ꓐꓯ ꓟ ꓠꓬ ꓞꓳ ꓤ ꓕꓲ ꓣꓳ ꓐꓱ ꓶ ꓙꓳꓺ ꓓꓴ ꓥ ꓡꓳ= ꓓꓵꓽ ꓙ ꓪꓴꓽ ꓧꓶ ꓓꓴ ꓥ ꓡꓳ= ꓖꓳ ꓡꓱ ꓥ ꓟꓲ ꓣꓳ ꓠꓬ ꓪꓴ-ꓢ ꓬꓲ ꓪꓴꓽ ꓓꓰ ꓡꓰˍ ꓟ ꓠꓵꓻ ꓠꓲꓹ ꓠꓯꓸꓼ ꓗꓪ ꓣꓳ ꓔꓯ ꓧꓳꓽ ꓙꓰ ꓠꓹ ꓟ ꓬꓰ-ꓢꓴ ꓔꓯ ꓶꓼ ꓓꓰꓽˍ ꓕꓯ ꓠꓽ ꓮ ꓫꓵꓽˍ ꓟꓲ ꓙꓳꓺ ꓟꓽ ꓛꓵ ꓟ ꓥ ꓡꓳ= ꓪꓴ-ꓢ ꓠꓲꓹ ꓡꓶꓽ ꓛꓳ ꓢꓲ ꓮ ꓕꓯ ꓟꓲ ꓧꓪꓸ ꓛꓲꓽ ꓔꓬ ꓕꓯ ꓠꓽ ꓬꓰ-ꓢꓴ ꓮ ꓡꓰ ꓕꓯ ꓛꓲꓺ ꓡˍ ꓥ ꓟꓲ ꓙꓳꓺ ꓟꓽ ꓛꓵ ꓟ ꓥꓳ= ꓬꓰ-ꓢꓴ ꓮ ꓡꓰ ꓕꓲ ꓙꓵꓹ ꓕꓯ ꓘꓴꓻ ꓡˍ ꓥˍ ꓟꓲ ꓣꓳ ꓠꓬ ꓢꓲꓺ ꓒꓽꓳ ꓥꓪ ꓕꓱ ꓗꓪ ꓔꓬ ꓡꓳ꓾ ꓐꓰ ꓓꓽ ꓔꓳꓹ ꓐ ꓡ ꓠꓹ ꓟ ꓢꓯꓼ ꓕꓵꓼ ꓙꓰ ꓡꓯ=