ꓢꓲ ꓒ ꓡꓰ ꓟꓸ ꓔ ꓟ ꓪꓽ ꓘꓴ ꓓꓴ

ꓢꓲ ꓒ ꓡꓰ ꓟꓸ ꓔ ꓟ ꓪꓽ ꓘꓴ ꓓꓴ

ꓣꓳ ꓤꓶꓻ ꓗꓪ ꓮ ꓘꓶꓸ ꓔꓬ ꓢ ꓟ ꓮ ꓘꓶꓸ ꓗꓹ ꓛꓲ_ ꓟ ꓦꓬꓼ ꓠꓬꓲ ꓙꓳ_ ꓟ ꓡꓰ ꓐꓰ ꓣꓳ ꓠꓯꓼ ꓗꓪ ꓪꓴ-ꓢ ꓟꓽ ꓔꓬ ꓟ ꓕꓱ ꓡꓱ ꓓꓵꓽ ꓙ ꓓꓴ ꓬꓲꓸ ꓙꓵꓹ ꓥ ꓟꓲ ꓙꓳ ꓐꓷ_ ꓥꓳ= ꓖꓳ ꓡꓱ ꓥ ꓟꓲ ꓪꓽ ꓘꓴ_ ꓟ ꓠꓬ ꓠꓬꓲ ꓫꓵꓽ ꓐꓱ ꓶ ꓥ ꓡꓳ= ꓣꓳ ꓮ ꓘꓶꓸ ꓫꓸ ꓔ ꓟ ꓙꓵꓹ ꓕꓯ ꓡꓰ ꓣꓳ ꓔꓯ ꓟꓬ ꓠꓬꓲ ꓙꓲ_ ꓟ ꓦꓬꓼ ꓠꓬꓲ ꓶꓼ ꓤ ꓫꓱꓸ ꓤ ꓖꓶ ꓡ_ ꓟ ꓔꓯ ꓓꓵꓽ ꓙ ꓠ ꓔ ꓟ ꓥꓳ= ꓣꓳ ꓪꓽ ꓘꓴ ꓟ ꓠꓬ ꓣꓳ ꓐꓰ ꓪꓴ-ꓢ ꓔꓯ ꓟꓬ ꓠꓬꓲ ꓠꓶꓽ ꓞꓹ ꓡꓰ ꓝꓲ ꓟ꓾ ꓪꓴ-ꓢ ꓐꓰ ꓣꓳ ꓫꓸ ꓕꓱ ꓡꓯ ꓘꓳ ꓠꓹ ꓟ ꓝꓸ ꓖꓶ_ ꓟ ꓥ ꓡꓳ= ꓣꓳ ꓚꓬ ꓥꓳꓽ ꓡꓰ ꓟ ꓔꓯ ꓖꓽ ꓖꓶ ꓠꓹ ꓟ ꓶꓽ ꓓꓰꓽ ꓟ ꓡꓰ ꓐꓰ ꓣꓳ ꓔꓯ ꓚꓬ ꓥꓳꓽ ꓡ ꓢꓴ ꓔꓯ ꓥ ꓟꓲ ꓝꓴꓲ ꓖꓽ ꓖꓶ ꓗꓴꓸ ꓠꓹ ꓟ ꓶꓽ ꓓꓰꓽ ꓠꓹ ꓟ ꓥꓳ=

ꓟꓲ-ꓢ ꓪꓽ ꓘꓴ ꓟ ꓙꓵꓹ ꓗꓪ ꓢꓲ ꓒ ꓡꓰ ꓟꓸ ꓔ ꓟ ꓪꓽ ꓘꓴ ꓘꓶꓽ ꓐꓰ ꓕꓲ ꓠꓲꓹ ꓕꓲ ꓪꓼ ꓪꓽ ꓘꓴ_ ꓟ ꓥꓳ= ꓕꓱ ꓪꓽ ꓘꓴ_ ꓟ ꓗꓪ ꓬꓰ-ꓢꓴ ꓡꓰ ꓪꓴ-ꓢ ꓔꓯ ꓐꓹ ꓐ ꓐꓰ ꓘꓴ ꓠꓹ ꓟ ꓟꓸ ꓖꓶ_ ꓟ ꓡꓰ ꓐꓰ ꓣꓳ ꓢꓯꓼ ꓙꓳ ꓙꓳ ꓡꓰ ꓐꓯ_ ꓟ ꓠꓬ “ꓟꓴ ꓗꓪ ꓕꓯ ꓢꓲ ꓗꓪ ꓔꓬ ꓟ ꓥꓪ ꓠꓴ ꓐꓹ ꓐ” ꓐꓰ ꓬꓲꓸ ꓪꓴꓸ ꓐꓯ_ ꓟ ꓥꓳ= ꓪꓴ-ꓢ ꓠꓬ ꓣꓳ ꓐꓰ ꓶ ꓞꓹ ꓟ ꓗꓪ ꓔꓬ ꓟ ꓟꓽ ꓥ꓾ ꓣꓳ ꓠꓯꓼ ꓗꓪ ꓔꓬ ꓟ ꓥ ꓡꓳ= ꓖꓳ ꓟ ꓑꓶ ꓓꓴ ꓣꓳ ꓠꓲꓹ ꓟ ꓐꓰ ꓪꓽ ꓘꓴ ꓘꓶꓽ ꓔꓯ ꓠ ꓠꓹ ꓖꓶ_ ꓟ ꓥꓳ=