ꓢꓲ ꓫꓬ ꓟ ꓐꓰ ꓟꓽ ꓫꓬꓹ ꓟ

ꓢꓲ ꓫꓬ ꓟ ꓐꓰ ꓟꓽ ꓫꓬꓹ ꓟ

ꓣꓳ ꓟꓲ ꓠꓯ ꓗꓪ ꓢꓯꓸ ꓔꓬ ꓟ ꓙꓵꓹ ꓕꓯ ꓔꓳꓹ ꓜꓳ ꓡ ꓟ ꓥ ꓔ ꓑꓳꓸ ꓗꓪ ꓕꓲ ꓧꓪꓹ ꓧꓪ ꓣꓳ ꓚꓲ ꓛꓬ ꓗꓪ ꓐꓰ ꓥ ꓟꓲ ꓠꓱꓸ ꓐꓯꓼ ꓢꓴ ꓐꓰ ꓥ ꓟꓲ ꓠꓲꓹ ꓟ ꓟꓽ ꓪ_ ꓟ꓾ ꓕꓱ ꓡꓱ ꓟꓽ ꓪ ꓡꓯꓼ ꓘꓳ ꓟꓽ ꓫꓱꓹ ꓡꓯꓼ ꓘꓳ ꓓꓴ ꓬꓲ ꓚꓱꓹ ꓮ ꓙꓵꓽ ꓠꓬ ꓣꓳ ꓚꓲ ꓛꓬ ꓠꓲꓹ ꓟ ꓘꓴꓽ ꓗꓪ ꓐꓰ ꓬꓲ ꓪꓴꓸ ꓔꓴ_ ꓟ ꓥ ꓡꓳ= ꓠꓬꓲꓸ ꓠꓬꓲ ꓟ ꓢꓲ ꓫꓬ ꓕꓳ ꓶ ꓶꓼ ꓓꓳ ꓫꓱꓹ ꓓꓳꓽ ꓗꓪ ꓬꓰ-ꓢꓴ ꓡꓰ ꓣꓳ ꓠꓯꓼ ꓗꓪ ꓓꓵꓽ ꓡ_ ꓟ ꓠꓬ ꓣꓳ ꓔꓯ ꓟꓽ ꓫꓬ ꓟꓽ ꓗꓷ ꓡꓰ ꓝꓲ꓾ ꓣꓳ ꓠꓯꓼ ꓗꓪ ꓐꓰ ꓓꓳ ꓡ_ ꓟ ꓠꓽ ꓟꓽ ꓫꓬ ꓗꓷ ꓡꓰ ꓝꓲ_ ꓡꓳ꓾ ꓐꓰ ꓐꓯ ꓔ ꓟ ꓥꓳ=

ꓬꓰ-ꓢꓴ ꓡꓰ ꓞꓳ ꓤ ꓠꓲꓹ ꓟ ꓘꓴꓽ ꓗꓪ ꓐꓰ ꓝꓴꓲ ꓗꓷ ꓡꓰ ꓓ_ ꓟ ꓔꓯ ꓐꓯ ꓔ ꓟ ꓥꓳ= ꓖꓳ ꓟ ꓑꓶ ꓓꓴ ꓠꓲꓹ ꓟ ꓘꓴꓽ ꓗꓪ ꓝꓴꓲ ꓗꓷ ꓡꓰ ꓓ_ ꓟ ꓔꓯ ꓤ ꓟꓳ ꓠꓹ ꓟ ꓥꓳ= ꓟꓽ ꓥ ꓠꓬ ꓠꓲꓹ ꓟ ꓗꓪ ꓓꓵꓽ ꓙ ꓪ ꓡꓰ ꓬꓰ ꓠꓬ ꓣꓳ ꓕꓲ ꓣꓳ ꓐꓰ ꓕꓲ ꓣꓳ ꓠꓬ ꓟꓽ ꓪ ꓟꓽ ꓫꓱꓹ ꓡꓯꓼ ꓘꓳ ꓕꓲ ꓣꓳ ꓐꓰ ꓕꓲ ꓣꓳ ꓠꓲꓹ ꓜꓳ ꓡꓯꓼ ꓘꓳ ꓛꓴꓽ ꓙꓳ ꓡꓯꓼ ꓘꓳ ꓗꓷ ꓡꓰ ꓟ ꓥꓳ= ꓣꓳ ꓬꓰ_ ꓟ ꓟꓬꓱꓽ ꓠꓬ ꓟꓽ ꓫꓬ_ ꓟ ꓟꓽ ꓙꓲ_ ꓟ ꓟꓽ ꓔꓱ_ ꓟ ꓝꓴꓲ ꓡꓰ ꓗꓷ ꓡꓰ ꓝꓲ_ ꓟ ꓟꓬꓱꓽ ꓐꓰ ꓓꓵꓽ ꓙ_ ꓠꓬ ꓣꓳ ꓤ ꓟꓳ ꓠꓹ ꓟ ꓥ ꓡꓳ꓾ ꓓꓵꓽ ꓙ ꓠꓹ ꓟ ꓥ ꓡꓳ=

ꓝꓴꓲ ꓠꓬ ꓢ-ꓓꓯ ꓡꓰ ꓙꓵꓽ_ ꓟ ꓠꓯꓼ ꓗꓪ ꓔꓬ ꓟ ꓑꓶ ꓓꓴ ꓡ ꓞꓳ ꓐꓴ ꓝꓴꓲ ꓬꓰ ꓢꓲ ꓐꓬ ꓡꓰ ꓝꓲ ꓗꓴ_ ꓟ ꓥ ꓡꓳ= ꓣꓳ ꓓꓵꓽ ꓙ ꓠꓬꓲ ꓠꓬ ꓣꓳ ꓬꓰ ꓔꓬ ꓟ ꓠꓬ ꓟꓽ ꓙꓲ_ ꓟ ꓝꓴꓲ ꓬꓰ ꓔꓬ ꓟ ꓔꓯ ꓢꓷꓸ ꓥ ꓟꓲ ꓣꓳ ꓬꓰ ꓔꓬ ꓟ ꓥꓳ= ꓡ ꓞꓳ ꓮ ꓟꓬꓹ ꓠꓬ ꓬꓰ-ꓢꓴ ꓐꓰ ꓠꓶꓽ ꓞ ꓠꓹ ꓟ ꓟꓽ ꓢꓯꓼ ꓕꓵꓼ ꓣꓳ ꓤꓶꓻ ꓔꓯ ꓢ-ꓓꓯ ꓐꓰ ꓟꓬ ꓠꓬꓲ ꓠꓶꓽ ꓞ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓥꓳ= ꓢ-ꓓꓯ ꓐꓰ ꓠꓶꓽ ꓞ ꓠꓹ ꓟ ꓢꓯꓼ ꓕꓵꓼ ꓠꓬ ꓐꓬ ꓡꓰ ꓓꓴ ꓗꓷ ꓡꓰ ꓡ ꓥꓳ= ꓣꓳ ꓠꓬ ꓬꓰ-ꓢꓴ ꓐꓰ ꓕꓲ ꓪꓼ ꓔꓬ ꓠꓹ ꓟ ꓢꓯꓼ ꓕꓵꓼ ꓠꓬ ꓣꓳ ꓝꓴꓲ ꓮ ꓙꓵꓽ ꓟꓽ ꓐꓬ ꓡꓰ ꓟꓽ ꓢ ꓝꓴꓲ ꓟꓽ ꓫꓬ ꓡꓰ ꓟꓽ ꓢ ꓬꓲ ꓡꓰ ꓬꓰ ꓙ ꓖꓶ ꓡ ꓟ ꓥꓳ=