ꓬꓲ ꓛꓳ ꓒꓯꓹ ꓬꓰ ꓠꓲꓹ ꓫꓵ ꓢꓴ ꓢ ꓣꓳ ꓔꓯ ꓫꓵꓽ ꓠꓬꓲ_ ꓟ

Wednesday, September 28, 2022

ꓠꓬꓲꓸ ꓠꓬꓲ ꓟ ꓢꓲ ꓫꓬ ꓕꓳ ꓝꓲꓸ ꓗꓪ ꓐꓰ ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓔꓯ ꓬꓰ-ꓢꓴ ꓠꓯꓼ ꓗꓪ ꓛꓳ ꓠꓹ ꓟ ꓥ ꓳ= ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲ ꓫꓬ ꓢꓴ ꓐꓴ ꓮ ꓟꓬꓹ ꓖꓶ ꓔ ꓡꓳ= ꓬꓲ ꓪ ꓕꓲ ꓣꓳ ꓡꓲ ꓕꓲ ꓣꓳ ꓠꓬ ꓬꓲ ꓪ ꓤꓶꓻ ꓗꓪ ꓙꓲ_ ꓟ ꓐꓰ ꓙ ꓫꓱꓽ ꓡ ꓞꓳ ꓐꓴ ꓬꓲ ꓪ ꓔꓯ ꓔꓯ ꓢꓳ ꓠꓹ ꓟ ꓕꓱ ꓡꓱ ꓐꓰ ꓢꓯꓸ ꓔꓬ ꓢꓴ ꓐꓴ ꓥ ꓡꓳ= ꓕꓱ ꓡꓱ ꓢꓲ ꓫꓬ ꓢꓴ ꓐꓴ ꓗꓰ ꓐꓰ Mother Teresa ꓥ ꓟꓲ ꓥ ꓡꓳ= ꓟꓲ ꓠꓯ ꓪꓴꓽ ꓟꓴ ꓡ_ ꓟ ꓤꓶꓻ ꓗꓪ ꓫꓸ ꓔꓬ ꓢꓴ ꓐꓴ ꓔꓯ ꓠꓵ ꓠꓲꓸ ꓟꓸ ꓖ ꓢꓯꓸ ꓔꓬ ꓢꓴ ꓥ ꓡꓳ= ꓮ ꓫꓵꓽ ꓑꓶ ꓓꓴ ꓕꓱ ꓡꓱ ꓬꓰ ꓐ ꓡ_ ꓡ ꓐꓰ ꓠꓽ ꓠꓬꓲ ꓠꓬ ꓬꓰ-ꓢꓴ ꓑꓶ ꓓꓴ ꓥ ꓲ ꓐꓰ ꓒꓳꓹ ꓖꓶ ꓡ ꓥꓳ= ꓬꓰ-ꓢꓴ ꓠꓯꓼ ꓗꓪ ꓛꓳ ꓬꓰ-ꓢꓴ ꓙꓻ ꓫꓱꓽ_ ꓟ ꓚꓱꓹ ꓔꓯ ꓛꓳ ꓢꓲ ꓙꓻ ꓫꓱꓽ_ ꓟ ꓤꓶꓻ ꓡꓰ ꓕꓱ ꓡꓱ ꓫꓱꓸ ꓤ ꓟ ꓠꓵ ꓠꓲꓹ ꓬꓰ ꓙ ꓐ ꓡ_ ꓟ ꓠꓲꓹ ꓟ ꓐꓰ ꓢꓯꓸ ꓔꓬ ꓠꓹ ꓟ ꓢꓯꓼ ꓪ ꓖꓶ_ ꓟ ꓥꓳ= ꓝꓲ ꓓꓴ ꓐꓴ ꓥ ꓟꓲ ꓬꓰ-ꓢꓴ ꓧꓳꓽ ꓪꓴꓸ_ ꓟ ꓔꓯ ꓛꓳ ꓢꓲ ꓬꓲ ꓠꓯꓼ ꓗꓪ ꓛꓳ_ ꓟ ꓥꓳ= ꓣꓳ ꓥ ꓟꓲ ꓣꓳ ꓙꓻ ꓫꓱꓽ_ ꓟ ꓤꓶꓻ ꓗꓪ ꓬꓰ-ꓢꓴ ꓔꓯ ꓡꓰ ꓔꓻ ꓙꓱꓼ ꓚꓹ ꓢꓲ ꓙꓻ ꓫꓱꓽ ꓠꓹ ꓟ ꓥꓳ=