ꓶꓻ ꓟꓯꓻ ꓢꓴ ꓪꓴꓽ ꓧꓶ ꓠꓽ ꓟꓶ ꓠꓹ ꓟ

ꓮꓽ ꓟꓲ ꓑ ꓙ ꓟꓶ_ ꓟ ꓶꓽ ꓓꓳ ꓫꓱꓸ ꓓꓳ ꓗꓪ ꓠꓬ ꓬꓰ-ꓢꓴ ꓡꓰ ꓪꓽ ꓠꓬꓲ_ ꓟ ꓟꓬꓱꓽ ꓢꓷꓸ ꓡꓰ ꓓꓴ ꓟꓸ ꓖꓶ ꓥ ꓟꓲ ꓬꓲ ꓔꓯ ꓟꓽ ꓙꓵꓻ ꓟ ꓑꓶ ꓓꓴ ꓡ ꓞꓳ ꓐꓴ ꓔꓯ ꓕꓼ_ ꓟ ꓥꓳ= ꓬꓰ-ꓢꓴ ꓡꓰ ꓟꓸ ꓖꓶ_ ꓟ ꓢꓷꓸ ꓡꓰ ꓓꓴ ꓠꓬ ꓬꓲꓸ ꓠꓬ ꓪꓴ-ꓢ ꓥ ꓟ ꓚꓱꓹ ꓔꓯ ꓟꓸ ꓖꓶ ꓥ ꓟꓲ ꓟꓬ ꓢꓶꓽ ꓙꓳ ꓥ ꓟꓲ ꓠꓬꓲ ꓟꓽ ꓟꓳ꓾ ꓠꓸ ꓒꓳ ꓙꓳ ꓥ ꓟꓲ ꓟꓽ ꓑ ꓙ꓾ ꓐꓯ_ ꓟ ꓡꓰ ꓐꓰ ꓬꓲꓸ ꓪ ꓟꓽ ꓢꓷꓸ ꓔ ꓟ ꓥꓳ= ꓠꓬꓲꓸ ꓠꓬꓲ ꓗꓪ ꓠꓬ ꓤ ꓠꓱ ꓤ ꓕꓲꓽ ꓣꓳ ꓡꓰ ꓐꓰ ꓬꓰ-ꓢꓴ ꓔꓯ ꓪꓴ-ꓢ ꓬꓲꓸ ꓤ ꓔꓲꓸ ꓥ ꓟ꓾ ꓚꓬꓴ ꓙ ꓢꓴ ꓥꓳ ꓐꓰ ꓘꓳꓹ ꓣꓴ ꓟ ꓑꓶ ꓓꓴ ꓬꓰ-ꓢꓴ ꓠꓬ ꓬꓲ ꓐꓹ ꓐꓽ ꓔꓯ ꓫꓱꓸ ꓖꓶ ꓫ ꓟꓳ ꓟ ꓥꓳ= ꓬꓰ-ꓢꓴ ꓬꓲꓸ ꓠꓯꓼ ꓗꓪ ꓛꓳ ꓢꓴ ꓕꓲꓽ ꓐꓱ ꓠꓬ ꓐꓲ ꓜꓲꓼ ꓟ ꓢꓷꓸ ꓠꓲꓹ ꓟꓽ ꓙꓳ꓾ ꓫꓸ ꓔ ꓢꓴ ꓥꓪꓸ ꓣꓴ ꓢꓴ ꓡꓰ ꓥꓳ= ꓕꓱ ꓡꓱ ꓥ ꓟꓲ ꓢꓲ-ꓫꓬ-ꓟ-ꓦ ꓗꓪ ꓐꓰ ꓶ ꓤ ꓫꓱꓸ ꓤ ꓡꓵꓽ ꓖꓶ ꓡ ꓢꓲ꓾ ꓬꓲ ꓪ ꓠꓬ ꓠꓬꓲ ꓟꓳ ꓓꓴ ꓢꓷꓸ ꓠꓲꓹ ꓪ ꓡ ꓟ ꓥꓳ= ꓖꓳ ꓟ ꓑꓶ ꓓꓴ ꓬꓰ-ꓢꓴ ꓡꓰ ꓫꓱꓸ ꓖꓶ_ ꓟ ꓥꓳ= ꓟꓲ ꓠꓯ ꓗꓪ ꓐꓯ ꓠꓬ ꓡ ꓞꓳ ꓕꓲꓽ ꓣꓳ ꓢꓷꓸ ꓠꓲꓹ ꓮ ꓟꓬꓹ ꓢꓷꓸ ꓡꓳꓹ ꓬꓰ ꓕꓯ ꓠꓲꓹ ꓘꓹ ꓠꓲꓹ ꓙꓳ ꓢꓲ꓾ ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓔꓯ ꓘꓳꓹ ꓣꓴ ꓠꓹ ꓟ ꓐꓱ ꓶ ꓠꓲꓹ ꓘꓹ ꓠꓲꓹ ꓐꓰ ꓘꓷ ꓡꓶ_ ꓟ ꓥꓳ= ꓖꓳ ꓡꓱ ꓥ ꓟꓲ ꓚꓵ ꓚꓵ ꓢꓷꓸ ꓠꓲꓹ ꓙꓳ ꓢꓴ ꓠꓬ ꓬꓲ ꓚꓲ ꓛꓬ ꓙꓽ ꓣꓳꓺ_ ꓟ ꓠꓲꓹ ꓟ ꓙꓳ_ ꓟ ꓥꓳ= ꓬꓲ ꓪ ꓠꓬ ꓠꓬꓲꓸ ꓠꓬꓲ ꓬꓰ-ꓢꓴ ꓡꓰ ꓐꓯ_ ꓟ ꓣꓳꓺ_ ꓟ ꓤ ꓠꓱ ꓤ ꓐꓴ ꓥ ꓡꓳ= ꓣꓳ ꓥ ꓟꓲ ꓔꓱ ꓔꓱ_ ꓐꓰ ꓬꓰ-ꓢꓴ ꓠꓯꓼ ꓗꓪ ꓛꓳ ꓠꓹ ꓟ ꓐꓱ ꓶ ꓣꓳ ꓚꓲ ꓛꓬ ꓣꓳꓺ_ ꓟ ꓤ ꓠꓱ ꓤ ꓡꓰ ꓐꓰ ꓙꓺ ꓣꓳ ꓟ ꓠꓲꓹ ꓟ ꓐꓰ ꓙ ꓫꓱꓽ ꓓꓴ ꓬꓰ ꓡꓯ=