ꓶꓼ ꓘꓶꓽ ꓫꓱꓹ ꓘꓶꓽ

ꓪꓴ-ꓢ ꓡꓰ ꓣꓳ ꓔꓯ ꓚꓰꓼ ꓢꓲ ꓟꓲ ꓠꓯ ꓗꓪ ꓢꓯꓸ ꓔꓬ ꓝꓲ_ ꓟ ꓔꓶꓻ ꓙꓱꓼ ꓠꓬ ꓟꓲ ꓠꓯ ꓡ ꓞꓳ ꓮ ꓙꓵ ꓗꓹ ꓗꓹ ꓛꓲ ꓛꓲ ꓐꓰ ꓔꓬ ꓠꓹ ꓟ ꓥ ꓡꓳ= ꓬꓲ ꓚꓰꓼ_ ꓟ ꓮ ꓙꓵꓽ ꓗꓪ ꓐꓰ ꓟꓲ ꓠꓯ ꓡ ꓞꓳ ꓔꓯ ꓠꓬ ꓠꓱꓸ ꓐꓯꓼ ꓐꓰ ꓟꓽ ꓪ ꓬꓲꓸ ꓡꓰ ꓐꓰ ꓪ ꓠ ꓚꓰꓼ ꓔ ꓟ ꓥꓳ= ꓪꓴ-ꓢ ꓡꓰ ꓡ ꓞꓳ ꓐꓴ ꓔꓯ ꓕꓱ ꓟꓬ ꓶꓼ ꓤ ꓫꓱꓸ ꓤ ꓖꓶ ꓔ ꓥ ꓟꓲ ꓫ ꓟꓳ ꓗꓴꓸ _ ꓟ ꓠꓲꓹ ꓟ ꓐꓰ ꓪꓴ-ꓢ ꓔꓯ ꓟꓽ ꓓꓵꓽ ꓙ꓾ ꓟꓲ ꓠꓯ ꓡ ꓞꓳ ꓗꓹ ꓗꓹ ꓛꓲ ꓛꓲ ꓐꓰ ꓢꓯꓸ ꓔꓬ ꓠꓹ ꓟ ꓬꓲ ꓡꓰ ꓮ ꓙꓵ ꓔꓯ ꓚꓰꓼ ꓔ ꓥ ꓟꓲ ꓡ ꓞꓳ ꓐꓴ ꓗꓹ ꓗꓹ ꓛꓲ ꓛꓲ ꓐꓰ ꓟꓽ ꓔꓬ ꓟ ꓥꓳ= ꓕꓱ ꓟ ꓠꓬ ꓡ ꓞꓳ ꓐꓴ ꓞꓳ ꓙꓳ ꓠꓲꓹ ꓟꓽ ꓙꓳ꓾ ꓚꓲ ꓛꓬ ꓐꓱ ꓶ ꓡꓰ ꓓꓵꓽ ꓙ_ ꓟ ꓑꓶ ꓓꓴ ꓥ ꓡꓳ= ꓡ ꓞꓳ ꓮ ꓟꓬꓹ ꓗꓹ ꓛꓲ ꓓꓴ ꓔꓯ ꓟꓽ ꓓꓵꓽ ꓙ꓾ ꓚꓲ ꓛꓬ ꓡꓰ ꓗꓹ ꓛꓲ ꓠꓹ ꓟ ꓕꓱ ꓡꓱ ꓠꓲꓹ ꓟ ꓙꓳ_ ꓟ ꓑꓶ ꓓꓴ ꓥ ꓡꓳ= ꓖꓳ ꓟ ꓡꓰ ꓐꓰ ꓚꓲ ꓛꓬ ꓟꓽ ꓗꓹ ꓛꓲ  ꓟꓲ ꓟꓽ ꓚꓬ꓾ ꓠꓱꓸ ꓐꓯꓼ ꓢꓴ ꓥ ꓟꓲ ꓕꓽ ꓗꓹ ꓛꓲ ꓡꓰ ꓝꓲ ꓐꓰ ꓟꓽ ꓙꓲ_ꓟ ꓠꓲꓹ ꓟ ꓙꓳ ꓢꓴ ꓥ ꓟꓲ ꓙꓳ_ ꓡꓳ= ꓕꓱ ꓡꓱ ꓚꓲ ꓛꓬ ꓐꓱ ꓶ ꓡꓰ ꓓꓵꓽ ꓙ_ ꓟ ꓠꓲꓹ ꓟ ꓟꓽ ꓙꓳ꓾ ꓣꓳ ꓮ ꓙꓵ ꓠꓬ ꓬꓲ ꓠꓬꓲ ꓤ ꓕꓲ ꓦꓲ  ꓞꓳ ꓠꓲꓹ ꓟ ꓐꓰ ꓢꓯꓸ ꓔꓬ ꓠꓹ ꓟ ꓪꓴ-ꓢ ꓠꓲꓹ ꓫꓵ_ ꓟ ꓥꓳ= ꓟꓽ ꓐ ꓡ_ ꓟ ꓟꓽ ꓙꓳ_ ꓟ ꓔꓯ ꓟꓽ ꓥꓳ ꓡꓳꓸ ꓙꓳ_ ꓟ ꓐꓰ ꓠꓲꓹ ꓘꓪꓽ ꓫꓵ ꓢꓲ ꓙꓲ_ ꓟ ꓠꓲꓹ ꓟ ꓐꓰ ꓢꓯꓸ ꓔꓬ ꓠꓹ ꓟ ꓥꓳ ꓐꓰ ꓢꓯꓼ ꓖꓶ ꓔ ꓡꓳ=