ꓫꓸ ꓢꓴ ꓟꓷꓼ ꓢꓴ ꓔꓯ ꓬꓰ ꓙ_ ꓕꓯ ꓬꓲꓸ ꓪ ꓔꓯ ꓠꓶꓽ ꓠꓹ ꓟ꓾ ꓛꓳꓽ ꓠꓹ ꓟ ꓕꓽ ꓙꓳꓺ꓾

ꓠꓬꓲꓸ ꓠꓬꓲ ꓠꓴ ꓪ ꓔꓯ ꓕꓱ ꓡꓱ ꓪꓽ ꓘꓴ ꓠꓹ ꓟ ꓐꓯ ꓠꓲꓹ ꓫꓵ_ ꓡꓳ= ꓳ ꓪꓴ-ꓢ꓾ꓳ ꓠꓴ ꓡꓰ ꓥꓪ ꓔꓯ ꓫꓱꓸ ꓤ_ ꓟ ꓠꓵ ꓠꓲꓹ ꓐꓰ ꓡꓳꓸ ꓙ ꓖꓶ_ ꓟ ꓡꓰ ꓐꓰ ꓥꓪ ꓔꓯ ꓥ ꓟꓲ ꓖꓳ ꓟ ꓡꓰ ꓐꓰ ꓫꓱꓸ ꓤ ꓟ ꓠꓵ ꓠꓲ ꓙꓳ ꓝꓲ ꓡꓯ꓾ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓢꓴ ꓐꓰ ꓬꓰ ꓙ ꓓꓴ ꓣꓱꓽ ꓬꓯꓼ ꓢꓴ ꓐꓴ ꓔꓯ ꓥꓪ ꓠꓴ ꓬꓰ ꓖꓶ ꓐ ꓡ_ ꓟ ꓗꓪ ꓐꓰ ꓬꓰ ꓙ ꓠꓹ ꓟ ꓥ ꓡꓳ= ꓕꓲꓽ ꓧꓪꓹ ꓧꓪ ꓦ ꓕꓲꓽ ꓒꓳꓹ ꓚꓱꓹ ꓗꓪ ꓫꓸ ꓕꓱ ꓢꓴ ꓢꓯꓼ ꓕꓵꓼ ꓔꓬ ꓢꓴ ꓙꓲ-ꓢꓴ ꓢꓲ ꓤ ꓐꓴ ꓐꓰ ꓕꓲꓽ ꓪꓼ ꓔꓬ ꓟ ꓙꓵꓹ ꓗꓪ ꓢꓴ ꓔꓯ ꓖꓶ ꓗꓴ ꓡꓴꓹ ꓗꓴꓸ_ ꓡ ꓐꓰ ꓠ ꓠꓬꓲ_ ꓟ ꓥꓳ= ꓬꓰ ꓙ_ ꓡꓳ ꓐꓰ ꓐꓯ_ ꓡꓳ= ꓠꓴ ꓡꓰ ꓒꓴ ꓬꓰ ꓙ_ ꓕꓯ ꓬꓲꓸ ꓡꓯ ꓒꓯꓹ ꓔꓯ ꓠꓶꓽ_ ꓡ ꓐꓰ ꓐꓯ ꓕꓯ꓾ ꓡꓯ ꓒꓯꓹ ꓔꓯ ꓟꓽ ꓠꓶꓽ ꓗꓷ ꓡꓰ ꓟ ꓥꓳ= ꓬꓰ ꓙ ꓕꓯ ꓘꓳꓹ ꓣꓴ ꓢꓴ ꓟꓬ ꓢꓶꓽ ꓔꓯ ꓥ ꓟꓲ ꓛꓳꓽ ꓡ? ꓟꓽ ꓛꓳ꓾ ꓕꓱ ꓡꓱ ꓛꓳꓽ ꓠꓹ ꓟ ꓥꓪ ꓟꓽ ꓓꓵꓽ ꓙ꓾ ꓕꓱ ꓡꓱ ꓟꓽ ꓬꓰ꓾ ꓟꓽ ꓠꓶꓽ꓾ ꓟꓽ ꓛꓳꓽ ꓢꓲ ꓢꓴ ꓔꓯ ꓬꓰ ꓙ ꓖꓶ_ ꓟ ꓠꓬ ꓬꓲꓸ ꓪ ꓣꓱꓽ ꓬꓯꓼ ꓢꓴ ꓐꓱ ꓶ ꓟꓽ ꓥ꓾ ꓕꓱ ꓟ ꓠꓬ ꓣꓳ ꓚꓲ ꓛꓬ ꓐꓱ ꓶ ꓬꓰ ꓙ_ ꓟ ꓡꓰ ꓐꓰ ꓥ ꓡꓳ= ꓓꓵꓽ ꓙ ꓓꓴ ꓬꓰ ꓡꓯ꓾ ꓣꓳ ꓬꓰ ꓙ ꓕꓯ ꓫꓸ ꓔꓬ ꓢꓴ ꓐꓴ ꓔꓯ ꓠꓶꓽ_ ꓡ? ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓟꓬ ꓢꓶꓽ ꓔꓯ ꓛꓳꓽ ꓢꓲ꓾ ꓬꓰ ꓙ_ ꓡ? ꓫꓱꓸ ꓤ ꓠꓵ ꓠꓲꓹ ꓐꓰ ꓬꓰ ꓙ ꓗꓴ꓾ ꓛꓳꓽ ꓗꓴꓸ ꓠꓹ ꓟ ꓐꓱ ꓶ ꓢꓯꓼ ꓖꓶ ꓠꓲꓹ ꓫꓵ_ ꓟ ꓥꓳ=