ꓟ-ꓕꓲ ꓔꓯ ꓘꓴ_ ꓟ

Wednesday, September 21, 2022

ꓖꓳ ꓗꓪ ꓐꓰ ꓬꓰ-ꓢꓴ ꓙꓰˍ ꓕꓯ꓾ ꓟ-ꓕꓲ ꓟꓬꓱ ꓔ ꓟ ꓕꓲ ꓣꓳ꓾ ꓝꓲꓸ ꓫ ꓖꓴ ꓗꓪ ꓠꓬꓲꓸ ꓠꓸ ꓔꓬ ꓟ ꓔꓯ ꓬꓰ-ꓢꓴ ꓟꓳꓻ ꓗꓷ ꓠꓬ꓾ ꓥꓪ ꓔꓯ ꓛꓳꓻ ꓡꓯ꓾ ꓐꓰ ꓬꓲ ꓔꓯ ꓐꓯ ꓖꓶˍ ꓡꓳ꓿ ꓖꓳ ꓕꓯ ꓬꓲ ꓔꓴ ꓡ ꓢꓲ ꓬꓰ-ꓢꓴ ꓔꓯ ꓛꓳ ꓙꓰˍ ꓡꓳ꓿ ꓖꓳ ꓗꓸ ꓠꓯꓸ ꓬꓲ ꓠꓬ ꓟ-ꓕꓲ ꓦꓲ ꓗꓪ ꓗꓳꓺ ꓢꓲ ꓜꓻ ꓜꓽ ꓔꓬ ꓕꓯ꓾ ꓝꓲꓸ ꓫ ꓢꓴˍ ꓐꓰ ꓝꓴꓲ ꓙꓳ ꓢꓴ ꓐꓴ ꓠꓬ꓾ ꓬꓰ-ꓢꓴ ꓐꓰ ꓬꓲ ꓛꓳꓽ ꓒꓯꓹ ꓐꓴˍ ꓐꓰ ꓕꓲ ꓪꓺꓼ ꓠꓬꓲꓸ ꓠꓸ ꓡ ꓡꓳ꓿ 11 ꓖꓳ ꓟ ꓔꓯ ꓒ-ꓡꓲ-ꓢꓷ ꓐꓴ ꓟꓳꓻ ꓗꓷ ꓠꓬ꓾ ꓬꓲ ꓪꓽ ꓡꓰ ꓬꓲ ꓛꓳꓽ ꓒꓯꓹ ꓐꓴ ꓔꓯ꓾ ꓠꓴ ꓪꓽ ꓟꓸ ꓒ ꓠꓬ ꓮꓸ ꓫꓵ ꓪꓴꓸ ꓠꓬꓲ ꓝꓲꓸ ꓫꓺ ꓢꓴˍ ꓐꓰ ꓝꓴꓲ ꓙꓳ ꓢꓴ ꓐꓴˍ ꓐꓰ ꓕꓲ ꓪꓺꓼ ꓜ ꓜꓽˍ ꓡ?꓾ ꓐꓯˍ ꓡꓳ꓿ ꓬꓰ-ꓢꓴ ꓑ ꓙꓽ ꓗꓷ ꓠꓬ ꓬꓲ ꓡꓰ꓾ ꓟꓽ ꓠꓻ ꓟꓽ ꓒꓬ ꓢꓴ ꓠꓬ ꓠꓻ ꓫꓬꓹ ꓒ ꓔꓯ ꓣꓱꓽ ꓟꓽ ꓬꓯꓼ꓿ ꓠꓻ ꓢꓴ ꓒꓬꓽ ꓢꓴ ꓠꓽ ꓣꓱꓽ ꓬꓯꓼˍ ꓡꓳ꓿ ꓕꓳ ꓶ ꓗꓪ꓾ ꓥꓪ ꓠꓬ ꓫꓱꓸ ꓤˍ ꓟ ꓔꓯ ꓠꓵˍ ꓡꓳ꓿ ꓢꓰꓼ ꓔꓲ ꓓꓴ ꓔꓯ ꓟꓽ ꓠꓵ꓾ ꓐꓯˍ ꓟ ꓕꓱ ꓕꓲ ꓘꓶꓽ ꓬꓲ ꓬꓲꓹ ꓢꓶ ꓠꓴ ꓪꓽ ꓢꓳ ꓬꓰ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓽ ꓔꓱꓹ ꓜꓳꓽ ꓢꓴ ꓔꓯ ꓘꓴꓻˍ ꓐꓰ ꓡꓻ ꓟ ꓟꓽ ꓥ꓿ ꓝꓴꓲ ꓙꓳ ꓢꓴ ꓔꓯ ꓘꓴꓻˍ ꓐꓰ ꓡꓻˍ ꓟ ꓥ ꓡꓳ꓾ ꓐꓯˍ ꓡꓳ꓿